1Ni yaloveivosoti vei au, na Kalou,
me vaka na nomuni loloma tudei.
Ni bokoca laivi na noqu i valavala ca
me vaka na levu ni nomuni yalololoma.
2Ni savai au mai na noqu i tovo vakasisila,
Ka vakasavasavataki au mai na noqu i valavala ca.
3Au sa raica rawa na noqu caka cala,
Ka sa tu ga e mataqu na noqu i valavala ca.
4 Roma 3.4 Au sai valavala ca vei kemuni, vei kemuni taudua ga,
Ka vakayacora na veika e cala vei kemuni.
Sa i koya o ni sa dodonu kina mo ni veilewaitaki au;
Ka dodonu talega na nomuni lewa.
5Raica, au a sucu vata ga mai kei na i valavala ca,
A tamata daucaka cala mai na gauna e kunekunetaki au kina o tinaqu.
6Na ka o ni vinakata sai koya na yalodina kei na cakacaka vakadodonu;
Mo ni qai vakasinaiti au sara ena yalomatua.
7Ni savai au mai noqu i valavala ca, ka'u na qai savasava;
Ni vui au, kau na qai vulavula cake mai na uca cevata.
8Ni solia vei au me'u rogoca na domo ni reki kei na marau,
Me marau kina na suiqu o ni sa musulaka.
9Ni tabonaka na matamuni mai na noqu i valavala ca
Ka bokoca laivi na noqu caka cala kecega.
10Ni bulia e lomaqu e dua na yalo e savasava na Kalou
Ka tugana e dua na yalo vou ka yalodina e lomaqu.
11Ni kakua ni biuti au tani mai na matamuni;
Ni kakua ni kauta tani na nomuni Yalo Tabu mai vei au.
12Ni solia tale mada vakadua vei au na reki,
Io, na reki sa vu mai na nomuni veivakabulai,
Ka solia talega vei au na yalo ni talairawarawa.
13Au na vakavulici ira na i valavala ca ena nomuni veivakaro,
Era na qai lesu tale mai vei kemuni.
14Ni vakavotaka na noqu bula na Kalou, na noqu i vakabula,
Au na qai dautukuna voli ena reki na nomuni yalododonu.
15Ni vukei au na Turaga, me'u vosa
Ka me'u na vakacaucautaki kemuni.
16O ni sa sega ni vinakata na i soro
De'u na qai vakacabora;
O ni sega talega ni taleitaka na i soro kama.
17Na yalo sa dasila sai koya na i soro e vinakata na Kalou;
Na yalomalumalumu kei na yalo ni veivutuni sa sega ni cata na Kalou.
18Kemuni na Kalou, ni yalovinaka vei Saioni ka vukea;
Ni tara vou tale mada na bai kei Jerusalemi.
19O ni na qai taleitaka na veisoro e dodonu,
Se i soro kama se na i soro eso sa vakamai taucoko;
Ena qai cabori na bulumakau ena nomuni i cabocabonisoro.
Who We AreWhat We EelieveWhat We Do
2025 by iamachristian.org,Inc All rights reserved.
