1 Kala 4.27 I Jerusalemi, o a vaka voli na yalewa sega ni vakaluveni,
Ia oqo sa qai rawa mo sere ka kaila ena marau.
Ena qai levu cake oqo na luvemu
Mai vua na yalewa e sega vakadua ni biuti watina.
2Vakalevutaka cake na valelaca o tiko kina!
Vakabalavutaka na kena dali ka vakaukauwataka na i vakadei.
3O na vakalevutaka na kemu i yalayala ena veiyasana kece;
Era na taura lesu tale na vanua o ira na luvemu,
Na vanua era sa tawana tiko oqo na veimatanitu;
Ka ra na vakasinaiti ena tamata na veikoro sa lala tu oqo.
4Kakua ni rere, o na sega ni vakamaduataki tale,
Ka sega ni vakarogocataki.
O na guilecava na nomu rogorogo ca
Ni bula vakagoneyalewa,
Kei na nomu bula dredre vakayada.
5Ni sa vaka na watimu o koya sa buli iko,
Na yacana ko Jiova ni lewevuqa.
Sa nomu i vakabula na Kalou Yalosavasava ni Isireli
O koya sa lewa na vuravura taucoko.
6Isireli o sa vaka e dua na yalewa vakawati gone,
Sa biuti koya na watina ka sa vakaloloma sara.
Ia sa kacivi iko lesu tale ko Jiova, ka kaya:
7“Au a biuti iko tu ena dua na gauna lekaleka;
Ia au sa na tauri iko lesu tale ena loloma levu sara.
8Au a vuki tani ena cudru ena dua na gauna;
Ia au sa na vakaraitaka vei iko na noqu loloma me tawa mudu.”
Sa kaya ko Jiova na nomu i Vakabula,
9 Vteki 9.8-17 “Au a yalataka ena gauna i Noa,
Me'u kakua ni luvuca tale na vuravura.
Ia oqo au sa yalataka ni'u na sega tale ni cudruvi iko,
Ka sega ni vunauci iko.
10Na veiulunivanua kei na veidelana ena rawa me takali
Ia na noqu loloma vei iko ena sega ni oti rawa
Ka'u na maroroya tiko me rawa mada na noqu veiyalayalati ni veisaututaki.”
Sa tukuna ga na veika oqo ko Jiova ni sa lomani iko.
O Jerusalemi Vou11 Vtaki 21.18-21 A sa kaya ko Jiova,
“Jerusalemi, na koro vakalolomataki ka sega ni vakacegui,
Ka sega e dua me vukei iko.
Au na tara tale na kemu yavu ena veivatu talei.
12Au na tara na kemu bai ena rupi,
Ka cakava na kemu matamata ena vatu makualiliva
Kei na kemu bai wavoki na daimani!
13 Joni 6.45 Oi au sara ga au na vakavulici ira na luvemu
Ka solia vei ira na sautu kei na bula vakacegu.
14Na lewa dodonu ena vakaukauwataki iko
Ka galala mai na veivakararawataki kei na veivakarerei.
15Kevaka e dua e kaba vakaivalu vei iko, au sega ni vakavuna;
O koya yadua ena vala kei iko ena bale!
16Au sa buli ira na dautuki kaukamea,
O ira era sa vakawaqara na buka ka bulia na i yaragi.
Au sa buli ira talega na sotia
Era sa vakayagataka na i yaragi me ra veivakamatei kina.
17Ia ena sega ni dua na i yaragi e buli
Me na vakamavoataki iko.
O na sauma rawa na nodra vosa era sa beitaki iko.
Au na taqomaki ira na noqu tamata
Ka solia vei ira na qaqa.”
Ni sai Jiova ga ka sa tukuna oqo.
Who We AreWhat We EelieveWhat We Do
2025 by iamachristian.org,Inc All rights reserved.
