1Era a lako kece yani ki Epironi na Isireli vei Tevita ka ra kaya vua, “O kemami oqo na lewemuni dina ka wekamuni vakadra.
2Ena veigauna sa oti yani ni se tui tiko kina o Saula, sai kemuni ga ka dau liutaki ira na Isireli ki na i valu, ka sa yalataka vei kemuni ko Jiova na nomuni Kalou ni o ni na liutaki ira na nona tamata ka yaco mo nodra tui.”
3Ena ka oqo era sa lako kece yani kina ki Epironi na qase ni Isireli kivei Tevita na tui. A sa cakava o koya e dua na veiyalayalati tabu kei ira, era sa lumuti koya, ka sa yaco me tui Isireli me vaka sara ga na vosa i Jiova ena gusu i Samuela.
4A sa lako o Tevita na tui kei ira kece na Isireli ka ra valuta na koro levu o Jerusalemi. A kilai tu na koro oqo ena gauna o ya me o Jepusa, ka ra tiko voli kina na Jepusaiti, o ira na i taukei ni vanua. A sa vakayagataka na nona moto me vala kei ira na lewe 300 na tamata ka vakamatei ira kecega ena dua ga na i valu.
12A taravi iratou “Na i Lawalawa e Tolu” o Iliesa na luve i Toto, mai na mataqali i Eoa.
13A vala o koya ena yasa i Tevita ena i valu kei ira na kai Filisitia mai Pasi Tamini. A tiko o Iliesa ena dua na loga ni barile ena gauna era a vakatekivu dro kina na Isireli e matadra na kai Filisitia.
14A qai bolea o koya kei ira na nona matasotia me ra duri ena lomadonu ni loga sila o ya ka vala kei ira na kai Filisitia. A sa solia vua ko Jiova na qaqa.
15Ena dua na siga, sa lako yani ki na uluvatu e toka volekata na qara vatu mai Etulama ka tiko voli kina o Tevita e lewe tolu vei ira na lewe 30 na turaganivalu, ka donumaka oqo na nodra keba tiko e dua na mataivalu ni Filisitia ena Buca o Refeimi.
16Oqo e donumaka talega na gauna e tiko kina o Tevita ena dua na delana sa taqomaki vakaivalu, ka ra sa tawani Peceliema tiko e dua na matasotia ni Filisitia.
17A sa tuburi Tevita e dua na viagunu levu ka kaya, “Isa, me dua mada ga e la'ki kauta mai vei au na wai mai na mataniwai voleka ki na matamata ki Peceliema me'u gunuva!”
18E ratou sa qai lako yani na tolu na sotia qaqa ka rogo, ka curuma vakaukauwa yani na i tikotiko ni valu ni Filisitia, ka la'ki takiva na wai mai na mataniwai, ka kauta yani vei Tevita. Ia a sa bese ga ni gunuva na wai o koya; a sa sova ga yani me i soro vei Jiova
19ka sa kaya, “Me'u tabu sara ni gunuva oqo. Sa na vaka ni'u gunuva na nodratou dra na noqu i tokani oqo, ka ratou a bolea na mate me ratou la'ki kauta mai na wai!” Ena ka oqo, a sa sega kina ni gunuva. A veika oqo e ratou sa cakava na tolu na sotia qaqa ka rogo.
20O Apisai na taci Joape sa nodra i liuliu na sotia rogo sa vakatokai “Na Lewe Tolusagavulu”. A sa vakayagataka na nona moto o koya me vala kei ira na lewe 300 na tamata ka sa vakamatei ira kece; a sa rogo ka kilai ena kedra maliwa na “Lewe Tolusagavulu”.
21A sa tamata rogo ka dokai vakalevu ena kedra maliwa na “Lewe Tolusagavulu” ka sa yaco kina me nodra i liuliu, ia sa sega ga ni rogo ka kilai levu cake sara me vakataki iratou “Na Lewe Tolu”.
22A sa dua na sotia rogo ka kilai o Penaia na luve i Jioiata mai Kapisieli. A sa vakayacora na veika lelevu o koya ka bau wili kina na nona vakamatea e rua na sotia qaqa ni Moapi. Ena dua na gauna, sa sirova sobu e dua na qara ni lulutu tiko na uca vulavula, ka la'ki vakamatea kina e dua na laione.
23A vakamatea talega o Penaia e dua na kai Ijipita, a tamata levu ka sivia na 2 na mita na kena balavu, ka vakaiyaragi tu ena dua na moto levu. A mokuti koya o Penaia ena dua na i wau, ka qai kaliraka tani na moto mai na liga i koya na tuwawa ni Ijipita, ka qai vakamatei koya kina.
24Oqori na i valavala qaqa eso sa vakayacora o Penaia, e dua vei ira “Na Lewe Tolusagavulu”.
25A sa duatani duadua toka o koya mai vei ira “Na Lewe Tolusagavulu,” ia a sega soti ga ni rogo ka kilai levu cake sara me vakataki iratou “Na Lewe Tolu”. A sa lesi Penaia o Tevita me nodra i liuliu na matayadra ni tui.
26Oqo na yacadra na sotia qaqa ka rogo:
o Asaeli na taci Joape,
o Elanani na luve i Toto tagane mai Peceliema,
27o Samoci mai Eroti,
o Elesi mai Peleti,
28o iratou na luve i Ikesi tagane mai Tikoa,
o Episeri mai Anacoci,
29o Sipikei mai Usa,
o Ilai mai Eoi,
30o Merei mai Nitofa,
o Elepi na luvena tagane o Peana mai Nitofa,
31o Icei na luvena tagane o Ripei mai Kipea e Penijamini,
o Penaia na kai Piraconi,
32o Urei mai na veiuciwai mai Kaasi,
o Epieli na kai Arapa,
33o Asimavece na kai Peurimi,
o Elaiapa mai Seliponi,
34o Asemi mai Kisoni,
o Jonacani na luvena tagane o Sake mai Arari,
35o Eiami na luvena tagane o Sakari mai Arari
o Ilifali na luve i Uri tagane,
36o Efari na kai Makera,
o Eaija na kai Piloni,
37o Esero mai Kameli,
o Neri na luve i Esipei tagane,
38o Joeli na taci Necani,
o Mipari na luve i Ariki tagane,
39o Seleki na luve i Amoni tagane,
o Neeri na kai Pieroci, na daucola i yaragi i Joape na luve i Seruwaia,
40o Ira na Icaraiti,
o Karipi na Icarati,
41o Uraia na Itaiti,
o Sapati na luve i Alai tagane,
42o Etini na luve i Sisa tagane, ka nodra i liuliu na Rupeni, kei ira na lewe tolusagavulu vata kaya,
43o Anani na luve i Meka tagane,
o Josafati mai Micini,
44o Usaia na kai Asitera,
o rau o Sama kei Jieli, na luvedrau tagane o Ocami na kai Eroeri,
45o Jitieli na luve i Simiri tagane,
na tacina o Joa na kai Tisi,
46o Ilieli na kai Meava,
o rau o Jiripei kei Josavala na luve i Elineami tagane,
o Icama na kai Moapi,
47vata kei iratou o Ilieli, Opeti, kei Jesieli na kai Misopaia.
Who We AreWhat We EelieveWhat We Do
2025 by iamachristian.org,Inc All rights reserved.
