1A bale ka moce kei ira na nona qase o Josefati, ka bulu kei ira ena koro i Tevita. A lewa o Jiorami na luvena me kena i sosomi.
2A sa tiko eso na taci Jiorami, o iratou na luve i Josefati na tui Juta: o Asaraia, o Jieli, o Sakaraia, o Asaraia, o Maikeli vata kei Sefataia.
3A sa solia vei iratou o tamadratou na i solisoli levu, na siliva na koula, na ka talei eso, kei na veikoro lalai eso e Juta; ia a solia ga na matanitu vei Jiorami baleta ni sa nona ulumatua.
4Ni sa cabeta cake na i tikotiko vakatui o Jiorami ka sa vakataudeitaki kina, a qai vakamatei iratou kece na tacina ena i seleiwau, kei na so talega na vakailesilesi e Isireli.
5A sa yabaki 32 o Jiorami ni sa buli me tui, ka a veiliutaki voli vakatui e Jerusalemi me yabaki walu.
6A sa muria ga na nodra i valavala ca na tui Isireli o koya, me vaka era a kitaka na mataqali i Eapi; ni a watina na luve i Eapi. A sa dau vakayacora na i valavala ca o koya ena mata i Jiova.
71Tui 11.36Ia sa sega ga ni vakarusa na mataqali i Tevita ko Jiova ena vuku ni nodrau veiyalayalati kei Tevita, me vaka ni a yalataka me solia vua e dua na cina, vei ira talega na luvena ka tawa mudu.
8 Vteki 27.40 A vuki tani o ira na kai Itomi ena nona gauna, me ra kakua ni qali vei ira na Juta, era a bulia vakai ira ga e dua na nodra tui.
9A sa lako yani o Jiorami kei ira na nona vakailesilesi ena nodra qiqinivalu ka ravuti ira na kai Itomi. Era a qai vakavolivoliti koya kei ira na komada ni nona qiqi ni valu mai kea na kai Itomi, ia era a sasaga ka dro bula rawa ena bogi.
10Mai na gauna o ya, era a vuki tani kina na kai Itomi me ra kakua ni qali vei Juta me yacova na siga edaidai. Ena gauna vata o ya, a sa vuki tani talega na koro levu o Lipina baleta ni sa biuti Jiova na Kalou ni nona qase o Jiorami.
11A sa cakava talega na veitikina cecere ena vanua veidelana e Juta, ka liutaki ira na tamata e Juta kei Jerusalemi me ra talaidredre vei Jiova.
12A yaco yani vei Jiorami e dua na i vola i Ilaijia na parofita, ka vaka, Sa vosa vakaoqo ko Jiova, na Kalou i Tevita na nomuni i tubutubu, Me baleta ni o ni sa sega ni muria na i valavala i Josefati na tamamuni, se na i valavala i Asa na tui Juta,
13o ni sa muria ga na nodra i valavala na tui Isireli, ka kauti ira na Juta kei ira na kai Jerusalemi ki na i valavala ni tawa dina, me vaka na nodra i valavala na mataqali i Eapi ni ra a kauti ira na Isireli ki na i valavala tawa dina, ka o ni a vakamatei iratou talega na tacimuni, e ratou mataqali i tamamuni, ka ratou tamata vinaka cake mai vei kemuni;
14raica, ena vakataka mai ko Jiova e dua na mate levu vei ira na nomuni tamata, na luvemuni, na watimuni, kei na veika kece o ni taukena,
15ia, ena tauvi kemuni e dua na mate bibi sara, ni na tauvi mate kina na nomuni wawa, ka na lutu tani tiko mai na wawa ena vuku ni mate o ya, ena veisiga.
16A vakauqeta talega ko Jiova na lomadra na kai Filisitia, kei ira na kai Arapea, era tiko voleka vei ira na kai Eciopea, me ra veivala kei Jiorami.
17Era a cabe cake mai ki Juta ka curuma vakaukauwa vakaivalu, era a kauta tani na i yau kecega era sa kunea ena valenitui, kei iratou na luvena tagane, iratou na watina, ka sega tale ni vo vua na tui e dua na luvena tagane ka vakavo duadua ga o Jioaasi, o koya ka gone duadua sara.
18Ni sa oti na ka kece oqo, a qai vakatubura ko Jiova e dua na mate mosimosi ena wawa ni kete i Jiorami, ka sa sega na kena i wali.
19Ia ena toso ni gauna, ni oti e rua na yabaki, a qai lutu mai ki tuba na nona wawa na tui ena vuku ni mate bibi ka tauvi koya, ka mate kina ena dua na mate mosimosi sara. Era a sega ni tuva buka na nona tamata me rokovi kina, me vaka na kena ka tuva me baleti ira na nona qase.
20E a buli taumada me tui o Jiorami ni sa yabaki 32 ka veiliutaki vakatui voli e Jerusalemi me walu na yabaki. A sa sega sara ni bau dua me bau tagi se vakaisaisa ena nona mate. Era a buluti koya ena Koro i Tevita, ia ka sega ga ni vakotori na yagona ena sau tabu.
Who We AreWhat We EelieveWhat We Do
2025 by iamachristian.org,Inc All rights reserved.
