2 TUI 16 - Ai Vola Tabu Ena Vakavakadewa Vou（FNV）

O Easi na Tui Juta(2Vei 28.1-27)

1Ena i ka 17 ni yabaki ni veiliutaki vakatui i Peka na luve i Rimalaia e Isireli, a sa yaco me tui Juta o Easi na luve i Jocame.

2A sa yabaki 20 o Easi ni sa buli me tui ka vakataulewa voli mai Jerusalemi ena loma ni 16 na yabaki. A sa sega ni muria o koya na i valavala vinaka ni tui o Tevita na nona qase; ia sa cakava ga na veika sa sega ni dodonu vei Jiova na nona Kalou

3ka muria ga na nodra i valavala na tui Isireli. E a vakacabora na luvena tagane me i soro kama ena bukawaqa, ni sa vakamuria na nodra i vakarau vakasisila na veimatanitu sa vakasavi ira tani ko Jiova e matadra na Isireli.