VOSA VAKAIBALEBALE 20 - Ai Vola Tabu Ena Vakavakadewa Vou（FNV）

1Na gunu vakasivia sa vakavuna na kosakosa kei na lialia. Sa dauveivakasesei na daumateni.

2Na nona cudru e dua na tui sa vaka na tagi ni laione. O koya sa vakacudruya na tui sa tautauvata ga kei koya sa vakamatei koya vakai koya.

3Na tamata lialia ga sa vakavuna na veivala, ia sa ka dokai me da galala mai kina.

4Na dauteitei sa vucesa ni siviyarataka na nona vanua ena kena gauna ena sega na ka e tamusuka.

5Na nona vakasama e dua na tamata sa vaka na wai ena dua na i keliwai, ia na tamata vuku sa rawa ni kauta mai ki tuba.

6Sa tukuna kecega na tamata na nodra yalodina kei na nodra yalovinaka, ia tovolea mada ga mo vakaraica mai e dua na tamata sa yalodina ka yalovinaka vakaidina sara!

7Era sa kalougata na gone e yalodina na tamadra ka ra cakava na ka e dodonu.

8Sa dabe na tui ena i dabedabe ni veilewai ka kila na tamata ca ena gauna e raica kina.

9E rawa li ni dua na tamata me kaya ni sa savasava na yalona, ka savasava mai na i valavala ca?

10Sa cati ira ko Jiova na tamata era vakayagataka na vatu i vakarau bibi ca kei na i vakarau ca.

11Sa vakaraitaka na i tovo ni gone na ka e cakava, ka na rawa mo tukuna kina se gone vinaka se ca.

12Sa solia vei keda ko Jiova na mata me da rai rawa kina kei na daliga me da rogoca rawa kina na rorogo.

13Ni o vakayagataka na nomu gauna ena moce o na dravudravua ga kina. Ni o vakaogai iko ena qai levu na kemu.

14Era sa dau vosa kudrukudru tikoga na dauvolivoli ni sa rui sivia na i sau ni yaya, ia ni sa lako tani yani sa qai la'ki dokadokataka.

15Ni o kila na ka o vosataka tiko, sa tu vei iko na ka e uasivi cake mai na koula se na vatu talei sara.

16Na tamata lialia e bolea me sauma na dinau ni tamata tani e dodonu me solia ga na ka e taukena me i vakadei ni dinau e sauma.

17Na ka o rawata ena veivakaisini o na marautaka me vaka na kakana vinaka; ia e sega ga ni dede, ena vaka na gusu sa sinai ena laqere.

18Taura na i vakasala vinaka o na qai rawata na ka o nakita kakua ni cici yani ki na i valu ka sega ni dua na nomu i naki.

19Na tamata dau vakau vosa ena sega ni vunitaka e dua na ka vuni. Kakua ni lasa kei na tamata e levu na nona vosa.

20Kevaka o rulaki rau na nomu qase, na nomu bula ena vaka na cina boko ena vanua buto.

21Na rawarawa ga ni sala o rawata kina na nomu i yau, na lailai ni ka vinaka o rawata kina.

22Kakua ni nanuma mo qai sauma o iko na ca e caka. Waraki Jiova, ena vukei iko o koya.

23Sa cata ko Jiova na tamata e vakayagataka na vatu i vakarau bibi kei na i vakarau ca.

24Sa lewa ko Jiova na noda gaunisala, e rawa vakacava vua e dua na tamata me kila na nona bula?

25Vakasama vakavinaka sara ni bera ni o yalataka e dua na i solisoli vua na Kalou. De o na qai veivutunitaka e muri.

26Na tui yalomatua ena vakasevi ira tani na tamata ca, ka vakatauca vei ira na i totogi.

27Sa solia vei keda ko Jiova na vakasama kei na noda lewa-e-loma, sa sega ni rawa ni dauvunitaki keda.

28Na nona veiliutaki e dua na tui ena dei tikoga kevaka e dodonu ka dina ka vinaka.

29Eda sa qoroya na nodra kaukauwa na cauravou ka doka na sikoa ni uludra na qase.

30Eda sa dausotava ena veigauna eso na draki ni bula mosimosi me kauta mai na veisau ki na noda bula.