MARIKA 9 - Ai Vola Tabu Ena Vakavakadewa Vou（FNV）

1Sa qai kaya talega vei ira o koya, “Au sa kaya vakaidina vei kemuni, era sa tu eke eso na tamata era na sega ni mate me yacova ni ra sa raica na yaco mai ni Matanitu ni Kalou ena kaukauwa mana.”

Na Tavuki ni Rairai kei Jisu(Maciu 17.1-13; Luke 9.28-36)

2Ni sa oti e ono na siga, sa qai kauti iratou o Pita kei Jemesa kei Joni ko Jisu, ka kauti iratou vakatikitiki ki na dua na ulunivanua. Ia ni ratou sa rai tu ga sa matalia mai ka tavuki na kena i rairai.

12Sa qai kaya o koya vei iratou, “Sa liu taumada dina mai o Ilaijia me vakavinakataka tale na veika kecega; ia, e qai volai ga vakacava ena vukuna na Luve ni Tamata, ni dodonu me sota kaya na veika rarawa e vuqa ka me na vakalialiai talega?

13Ia au sa tukuna vei kemudou, sa lako oti mai o Ilaijia, ka ra sa cakava vua na tamata na ka ga era vinakata, me vaka ga na ka sa volai tu ena vukuna.”

Sa Vakabula e Dua na Gonetagane Curumi Yalo Velavela ko Jisu(Maciu 17.14-21; Luke 9.37-43)

14Ia ni ratou sa yaco yani vei iratou na tisaipeli tale eso, e ratou sa qai raici ira na lewe vuqa ka ra tu wavoliti iratou, kei ira na daunilawa era veileti tiko kei iratou.

15Era a kurabui sara na lewe vuqa ni ra sa raici Jisu, ka cici yani vua ka veitavaki kaya.

16Sa qai tarogi ira o koya, ka kaya, “A cava o ni veiletitaka tiko kei iratou oqo?”

17Sa qai sauma mai vua e dua mai vei ira na lewe vuqa, ka kaya, “Na i Vakavuvuli, au a kauta mai na luvequ tagane vei kemuni ni curumi koya tiko e dua na yalo velavela, ka galu tu.

18Ena gauna kece e curumi koya kina, e dau kureitaki koya ka viritaki koya ki ra; ka vuso na gusuna ka vakasequruquru bati, ka mai wadokau tu yani. Au sa kerei iratou oti na nomuni tisaipeli me ratou vakasava tani, ka ratou sega ni rawata.”

19Sa qai vosa kina vei iratou o koya, ka kaya, “A i tabatamata tawa vakabauta! Me vakacava soti na dede ni noqu tiko voli kei kemudou? Me cava soti na dede ni noqu vosoti kemudou tiko? Kauti koya mai vei au!”

20Era sa mani kauta mai na gonetagane ki vua.

Ni sa raici Jisu na yalo, sa qai kureitaka vakaukauwa na gonetagane o ya me vaka na manumanusoni, ni sa bale sobu ki na qele, ka mai vakatoqiqi yani, ka vuso na gusuna.

21Sa qai tarogi tamana ko Jisu, ka kaya, “A cava na dede ni gauna sa yacovi koya tiko kina na ka oqo?”

Sa qai kaya o koya, “Me tekivu sara ga mai ni se gone lailai.

22Sa dau vakawasoma na nona saga me vakamatei koya na yalo velavela ni dau viritaki koya ki na bukawaqa ka vakakina ki wai. Ia mo ni yalololoma vei keirau, ka vukei keirau, kevaka sa rawa mo ni vakayacora vakakina!”

23Sa kaya vua ko Jisu, “Io, kevaka sa rawa vei iko! Ni sa rawa ni yaco na ka kecega vua na tamata sa vakabauta.”

24Sa qai tabalaka cake vakasauri na domona na tama ni gone, ka kaya, “Au sa vakabauta, ia sa lailai walega. Ni vukei au me tarai cake vakalevu na noqu vakabauta!”

25Ni sa raica ko Jisu ni ra sa toso vakatotolo yani vua na lewe vuqa, sa qai vakarota na yalo velavela ka kaya vua, “O iko na yalo ni galu kei na didivara, au sa vakaroti iko mo lako tani mai vua na gonetagane oqo, ka kakua vakadua ni o curumi koya tale!”

26A sa qoqolou na yalo velavela, a sa kureitaki koya vakaukauwa na gonetagane me vaka na manumanusoni, ka sa qai lako tani mai vua. A sa vaka koto yani na i rairai ni dua na tamata mate na gonetagane, ka ra kaya na tamata kecega, “Sa mate o koya!”

27Ia sa qai taura na ligana ko Jisu, a sa tuberi koya cake, ka sa tucake sara.

28Ia ni sa curu ki na vale ko Jisu, e ratou sa qai tarogi koya vuni ga na nona tisaipeli, ka kaya, “A cava na vuna keitou a sega ni vakasava tani rawa kina na yalo velavela?”

29Sa qai kaya vei iratou ko Jisu, “Na masu duadua ga ena rawa ni vakasava tani rawa na kena mataqali oqo, ka sega tale ni dua na ka ena rawata.”

Sa Tukuna Tale ko Jisu na Nona Mate(Maciu 17.22-23; Luke 9.43-45)

30E ratou sa qai biuta na vanua o ya ka lakova na loma ni vanua o Kalili. E vinakata ko Jisu me kakua ni dua e kila;

31ka ni a vakatavulici iratou tiko na nona tisaipeli, ka kaya, “Ena soli yani na Luve ni Tamata ki na ligadra na tamata, ka ra na vakamatea; ia ni sa mate, ena qai tucake tale ni sa oti e tolu na siga.”

32Ia e ratou a sega ga ni kila na i balebale ni vosa o ya, ka ratou rere ni tarogi koya kina.

O Cei e Liu Duadua?(Maciu 18.1-5; Luke 9.46-48)

33E ratou sa mani yaco sara ki Kapenaumi. Ia ni ratou sa curu ki vale sa qai tarogi iratou ko Jisu, ka kaya, “A cava dou a veivosakitaka tiko mai gaunisala?”

34Ia e ratou a galu ga, ni ratou a veivosakitaka tiko mai gaunisala se o cei e levu duadua vei iratou.O Koya sa Sega ni Veisaqasaqa kei Keda sa To Vata kei Keda(Luke 9.49-50)

38Sa qai kaya vei Jisu o Joni, “Na i Vakavuvuli, keitou a raica e dua na tamata ni vakasavi tevoro tiko ena yacamuni, ka keitou mani tarovi koya, ka ni sega ni dua vei kedatou o koya.”

39Ia sa qai kaya ko Jisu, “Dou kakua ni tarovi koya; ni sega ni dua e cakava rawa e dua na cakacaka mana ena yacaqu me na qai vosacataki au tale.

40Ni sa noda i to o koya e sega ni noda meca.Na Veiveretaki ki na i Valavala Ca(Maciu 18.6-9; Luke 17.1-2)

42“Kevaka e dua sa vakavuna me ra tarabe ena i valavala ca o ira na lalai oqo era sa vakabauti au, ena vinaka cake vua na tamata oqori me vesuki ki domona e dua na vatu i qaqi levu, ka qai viritaki yani ki wasawasa.

43Kevaka sa vakacalai iko tiko na ligamu, mo muduka laivi! E vinaka cake mo curu ki na bula ka liga dua ga, ka ca me tiko ruarua na ligamu ka mo qai lako ki eli, ki na bukawaqa e sega ni bokoci rawa.

49“Ni na vakasavasavataki na tamata yadua ena buka me vaka sa vakasavasavataki na i soro ena masima.

50“E ka vinaka na masima; ia kevaka sa seyavu na kena tuituina, dou na vakatuituinataka tale vakacava?

“Me tuituina vinaka tikoga na nomudou veitokani, ka mo dou veilomani talega vakai kemudou.”