1A sa kaya ko Jiova,
“Kaila sara vakadomoilevu ena kena levu ga o rawata!
Tukuna vei ira na noqu tamata na Isireli na nodra i valavala ca!
2Era sa vakasaqarai au ena veisiga
Ka kaya ni ra sa muria na noqu lawa
Ka cakava na ka dodonu.
Era sa kerei au me'u vakalougatataki ira
Ka me'u solia vei ira na lewa dodonu.”
3Era kaya na tamata,
“Na cava me da lolo kina kevaka e sega ni raica na Turaga,
A cava me da cakava kina kevaka e sega ni kauwaitaki?”
Sa qai kaya vei ira ko Jiova,
“Raica, ena gauna o ni lolo kina
O ni dui vaqara ga na ka o ni vinakata
Ka tabaki ira sobu na nomuni tamata cakacaka.
4O ni sai tovo kaukauwa,
Dau veivala ka dau veisei.
O ni nanuma beka ni mataqali lolo vaka oqo
Ena vakavuna me'u rogoca na nomuni masu?
5Ni o ni sa dau lolo, o ni sa dau vakaocai kemuni.
O ni sa dau vakacuva sobu na ulumuni ki na qele
Me vaka e dua na drau ni co ki na qele.
O ni sa dau daramaka na i sulu taga
Ka davo ena dravusa.
Sa i koya li o ya na ka o ni vakatoka me lolo?
O ni nanuma beka au taleitaka na veika o ya?
6Na mataqali lolo au vinakata e vaka oqo:
E luvata tani na i vesu ni veitabaki sobu
Kei na i colacola tawa dodonu,
Ka laivi ira era vakararawataki me ra sereki.
7 Maciu 25.34 E vota na kena vei ira era viakana,
Ka dolava na nona vale vei ira na dravudravua e sega na nodra vale.
Ena solia na i sulu vei ira e sega na ka era daramaka,
Ka via vukei ira na wekadra.
8Ena qai kida mai na nomuni rarama me vaka na mataka,
Ka totolo na maca ni nomuni mavoa.
Au na dautiko ga kei kemuni me'u vakabulai kemuni,
Ia na mataqu ena taqomaki kemuni
Mai na veiyasana kecega.
9Ni o ni masu au na sauma.
Ni o ni kacivi au, au na rogoca.
Ke o ni muduka vakadua na veivakararawataki,
na nomuni veibeci kei na vosa ca kecega;
10Kevaka o ni vakani ira era viakana,
ka vakamamautaki ira era leqa tu,
Ena qai vuki me rarama ni yakavi siga
na butobuto sa wavokiti kemuni.
11Au na qai liutaki kemuni tikoga,
ka vakamamautaki kemuni ena veika vinaka.
Au na maroroi kemuni mo ni qaqa tikoga.
O ni na qai vaka e dua na i teitei sa vakasuasuataki vinaka,
Ka vaka e dua na mata ni wai sa sega ni maca rawa.
12O ira na nomuni tamata era na tara tale
Na veika sa rusa makawa tu
Me ra tara tale ena veiyavu makawa.
O ni na vakatokai mo ni tamata
Sa vakavoutaka tale na veikorokoro
Ka tara vou tale na veivale sa rusa tu.”
Na i Sau ni Kena Rokovi na Siga ni Vakacecegu13A sa kaya ko Jiova,
“Kevaka o ni vakatabuya na Siga ni Vakacecegu
Ka sega ni cakava kina na ka o ni vinakata;
Kevaka o ni okata na Siga ni Vakacecegu me ka talei;
Ka sega ni veilakoyaki, cakacaka se
Veivosaki tawa yaga wale ga kina,
14O ni na qai raica na marau dina ni qaravi Jiova.
Au na cakava mo ni dokai e vuravura taucoko
Ka marautaka na vanua au a solia
Vua na nomuni qase o Jekope, a kaya ko Jiova.”
Who We AreWhat We EelieveWhat We Do
2025 by iamachristian.org,Inc All rights reserved.
