1 Vtaki 21.2,27 I Jerusalemi, mo yadra mai!
Vakaukauwataki iko tale mada
Ka daramaka na nomu i sulu lagilagi.
Era na sega ni curu tale mai ena kemu matamata,
O ira na tawa cili kei ira era sega ni kila na Kalou.
2Tucake mai Jerusalemi,
Ka kuretaka laivi vei iko na kuvu ni qele.
Ni sereka tani na kemuni i vesu
Na lewe i Saioni o ni vakabobulataki tu!
3A sa kaya ko Jiova vei ira na nona tamata: “Ena nomuni a tiko vakabobula, o ni a sega ni voli ena lavo; o ni na sega talega ni voli lesu ena i lavo ena nomuni sereki.
4Ena nomuni a lako sobu taumada ki Ijipita ka la'ki tiko vakavulagi voli kina, o ni a vakayacora oqo ena nomuni yalo galala. Ia sa kauti kemuni ga vakaukauwa o Asiria ka sega ni saumi kemuni ena dua na ka.
5Roma 2.24Ia oqo, sa kitaka vakakina o Papilonia: sa vesuki kemuni mo ni bobula, ka sega ni saumi kemuni. Na nodra i liuliu na tamata sa kauti kemuni tani era sa dokadoka ga ka kaikaila, ka vosa vakacacataka na yacaqu.
6Ia ena yaco mai na gauna mo ni kila kina na yacaqu, ka vakataudeitaka ni sai au ga na Kalou sa vosa oqo vei kemuni.”
7 Neumi 1.15; Roma 10.15; Efe 6.15 Sa na dua na ka rairai vinaka
Na noda raica na nona lako kosova mai na veiulunivanua,
O koya sa kauta mai na i tukutuku vinaka;
Na i tukutuku ni vakacegu.
Sa mai kacivaka na qaqa o koya, ka kaya ki Saioni,
“Sa tui na nomu Kalou!”
8Era na kaila o ira era yadrava tiko na nomuni koro,
Ka ra qolou vata ena marau!
Era sa raica sara ga e matadra,
Na nona lesu mai ko Jiova ki Saioni.
9Ni kailavaka vata yani ena marau
Na veiyasa i Jerusalemi sa rusa tu!
Sa vakacegui ira na nona tamata ko Jiova
Ka vakabula tale na nona koro.
10Ena vakayagataka ko Jiova
Na nona kaukauwa savasava;
Ena vakabulai ira na nona tamata o koya,
Ka na raica oqo o vuravura taucoko.
11 2Kori 6.17 Ni biuti Papiloni ka lako,
Oi kemuni kece sa daucolata na i yaya ni valenisoro!
Ni kakua sara ni taura e dua na ka dukadukali;
Mo ni savasava tikoga ka biuta na koro.
12O ni na qai sega ni lako yani vakusakusa,
Ka sega ni tovolea mo ni dro!
Ena liutaki kemuni ga ko Jiova na nomuni Kalou
Ka veitaqomaki talega mai dakumuni.
13A sa kaya ko Jiova,
“Ena qaqa ni qarava na nona i tavi na noqu dauveiqaravi
Ka na vakacerecerei o koya, ka vakalagilagi.
14Era lewe vuqa era kidroa ni ra raici koya
Ni sa vakacacani vakalevu
Ka sa sega ni vaka na i rairai ni tamata.
15 Roma 15.21 Ia oqo era na kurabui e vuqa na matanitu ena vukuna,
Ka ra na sega ni vosa rawa na tui ena nodra kidroa.
Era na qai raica ka kila
Na veika era a sega ni kila.”
Who We AreWhat We EelieveWhat We Do
2025 by iamachristian.org,Inc All rights reserved.
