1 Maciu 4.15 Ena sega tale ni dua na sala me ra na dro tani rawa mai kina ena gauna ni leqa oqo.
O Koya na Tui sa NamakiA sa beci tu na nodra vanua na yavusa o Sevuloni kei Navitalai ena dua na gauna eliu, ia na gauna mai muri ena qai dokai tale kina na veivanua oqo, me tekivu mai na Meditereni vaka ki na tokalau me yaco ki na tai kadua ni Joritani, ka yaco sara yani i Kalili, ena vanua era sa tiko kina na kai veimatanitu tani.
2 Maciu 4.16; Luke 1.79 O ira na tamata era lako ena butobuto,
Era sa raica na rarama levu!
Ka sa cila mai na rarama,
Vei ira era tiko ena vanua butobuto loaloa sara.
3O ni sa vakalevutaka na nodra reki,
ka vakaikuritaka na nodra marau.
Era sa marautaka na ka o ni cakava,
Me vaka na nodra marautaka na tamata na musu sila,
Se ni ra wasea na i tokinivalu.
4O ni sa musuka na i vua sa vakaicolacolabibitaki ira,
Kei na i titoko sa daumokuta na tabadra.
Sa i kemuni na Turaga o ni sa vakadruka na matanitu,
Sa vakararawataki ira na nomuni tamata,
Me vaka na nomuni vakadruka na mataivalu ni Mitiani ena gauna e liu.
5Ena vakamai kece ena buka na nodra i vava,
Kei na nodra i sulu tauvi dra na mataivalu era kaba mai.
6Sa sucu mai e dua na gone me noda!
Sa soli mai vei keda e dua na gonetagane!
O koya ena yaco me liutaki keda.
Ena vakatokai na yacana o, “Na i Vakavuvuli Veivakurabuitaki,”
Na “Kalou Kaukauwa,” na “Tama Tawamudu,”
Na “Tui ni Sautu.”
7 Luke 1.32,33 Ena tubu tikoga na nona kaukauwa vakaturaga;
Na nona matanitu ena dautiko sautu tikoga.
Ena veiliutaki me i sosomi kei Tevita na tui,
Ka yavutaka na nona lewa ena dina kei na dodonu,
Mai na gauna oqo me yacova na i vakataotioti.
Na gumatua i Jiova ni lewevuqa ena vakayacora na ka oqo.
Ena Totogitaki Isireli ko Jiova8Sa tauca na nona cudru na Turaga ki na matanitu o Isireli,
Kei ira na kawa i Jekope.
9Era na qai kila kece na tamata,
O Ifereimi kei ira kece era tiko e Samaria.
O ira era kaya ena dokadoka kei na viavialevu ni lomadra.
10Era sa bale sobu na biriki,
Ia eda na tara tale ena veivale vatu.
Sa musuki laivi na lolo,
Ia era na vakaisosomitaki ena sitari.
11Sa vakayavalati ira na kedra meca ko Jiova,
Me ra valuti ira,
12O ira na kai Siria ena tokalau,
Kei ira na kai Filisitia ena ra,
Era sa tilomi Isireli ena gusudra sa dalaga tu.
A sa sega ga ni oti na cudru ni Turaga ena ka kece oqo,
Ia e sa dodoka tikoga na ligana me veitotogitaki.
13Era sa sega ga ni vuki lesu na tamata vei koya ka mokuti ira
Se vakasaqarai Jiova ni lewevuqa.
14O koya oqo ena kauta tani kina ko Jiova
Mai Isireli ena dua wale ga na siga,
Na nodra i liuliu kei ira na lewe ni vanua,
Ena muduka tani na uluna kei na buina.
15O ira na qase kei na tamata dokai sai ira na ulu
Ka ra buina na parofita era vakatavuvulitaka na ka lasu.
16O ira era liutaki ira oqo sa vakasesei ira,
Ka ra sa veilecayaki kina o ira era liutaki.
17O koya oqo sa sega kina ni loloma
Vei ira na nodra tabagone na Turaga,
Se yalololoma vei ira na luveniyali kei na yada.
Ni ra a sega kece ni goleva na Kalou ka i tovo ca,
Ka sa ca na veika kecega era kaya.
Ia ena sega kina ni oti na cudru ni Turaga,
Ni se dodo tikoga na ligana me veitotogitaki.
18Ni sa waqa na i valavala ca me vaka na buka,
Ka sa vakama yavu na kau vakavotona kei na soni;
Sa vakama me vaka na veigasau mai veikau,
Ka kuvu cake me vaka na duru o na kena kubou.
19Ena vuku ni cudru i Jiova,
Sa vaka ga kina na kama ni buka na nona cudru.
Era sa vaka na i vakawaqa ni buka na tamata;
Era sa dui sagai ira ga vakai ira ka tabu loloma.
20E dua na tamata ena kana mai na i matau,
Ena kania na kena i votavota ka na sega ni mamau,
E dua tale ena kana ena yasana i mawi,
Ia ena sega talega ni mamau,
Na tamata kece ena dui kania na lewe ni luvena.
21O Manasa ena valuti Ifereimi,
Ka valuti Ifereimi o Manasa,
Ia e rau sa qai valuti Juta ruarua.
Na ka kece oqo ena sega ni oti kina na cudru ni Turaga.
Ena dodo tikoga mai na ligana,
Me veivakaitotogitaki.
Ni ra sai valavala ca kece ka sega ni qarava na Kalou.
Who We AreWhat We EelieveWhat We Do
2025 by iamachristian.org,Inc All rights reserved.
