1Ena yaco ga na leqa ki Jerusalemi,
Na koro e a vakaitikotiko kina o Tevita.
Laiva tale mada e dua se rua na yabaki me oti yani,
Vata kei na kena veisolevu.
2Ia ena qai kauta mai na Kalou
Na veika ni leqa ki Jerusalemi.
Ena qai yaco na tagi kei na vakaloloku,
Ka na vuki na koro me i cabocabonisoro
E dau vakamai kina na i soro.
3Ena qai valuta na koro na Kalou
Ka vakavolivolita, ka sa vesuka vakaukauwa.
4Ena qai yaco o Jerusalemi me vaka e dua na yalo,
E saga me vosa mai na qele;
Ena rogo mai na domomu mai na kuvu ni soso.
5Jerusalemi o ira kece na vulagi era valuti iko,
Era na cagina tani me vaka na kuvu ni soso,
Me vaka na qani sila.
Ena vakasauri ka vakidacala.
6Na nona sereki kemuni ko Jiova ni lewevuqa,
Ena covulaca kaukauwa kei na uneune.
Ena tala mai na cagilaba kaukauwa kei na bukawaqa;
7Ia ena takali yani na nodra mataivalu kece na veimatanitu,
Na nodra yaragi kece kei na nodra i yaya,
Me vaka na tadra, na vakanananu ena dua na bogi.
8O ira kece na veimatanitu era soqo vata me ra valuti Jerusalemi,
Era na vaka e dua na tamata viakana e tadra ni kana tiko,
Ka qai yadra mai ena nona viakana;
Se vaka e dua na tamata sa mate ena viagunu,
E tadra ni gunu tiko ka qai yadra ena karamaca.
Na Mataboko kei na Veidabui i Isireli9Mo ni ia sara mo ni dogadoga!
Ni kitaka sara mo ni mataboko!
Mo ni mateni, e segai ga mai na waini;
ni tatacebaceba, ka segai ga mai na gunu kaukauwa!
10 Roma 11.8 Sa vakavuna vei kemuni ko Jiova mo ni via moce,
ka sa vakarau mo ni na moce lutu sara.
O ira na parofita e dodonu me ra matadra na tamata,
ia sa vauca na Kalou na matadra,
ka ubia na uludra.
11Sa na vunitaki vei kemuni na i balebale kece ni raivotu vakaparofita, ka sa na vaka na i vola vivigi sa dregati. Kevaka e kau vua e dua sa kila na wilivola ka kerei me wilika vei kemuni ena kaya ni sega ni rawa ni wilika ni sa dregati tu.
12Kevaka e kau vua e dua e sega ni kila na wilivola ka kerei vua me wilika vei kemuni, ena kaya ni sega ni kila na wilivola.
13 Maciu 15.8,9; Mari 7.6,7 A sa kaya ko Jiova,
O ira na tamata oqo era volekati au ga ena gusudra,
ka vakarokorokotaki au ena tebe ni gusudra;
ia na yalodra sa yawa tani sara mai vei au.
Na nodra rerevaka na Kalou sa dua na lawa vakatamata,
era vulica me ra dau wiligusutaka.
14 1Kori 1.19 Raica au na cakava tale eso na ka veivakurabuitaki
vei ira na tamata oqo,
io, na veika e veivakidacalataki ka veivakidroataki.
O ira na vuku era na vukici me lialia,
ka maumau wale na nodra kila-ka.
Na Vakanuinui ki na Veigauna sa Bera Mai15Ena yaco na veika ca vei ira era vunia na nodra i naki, vei Jiova.
Era vakayacora vuni na nodra i naki,
ka nanuma ni sega ni dua e raica se kila, na ka era cakava.
16 Aisea 45.9; Roma 9.20 Era sa vukica vakatoboicu na veika kecega.
O cei e bibi vei rau, na daucaka kuro qele se na qele?
E rawa li ki na dua na ka e bulia na tamata,
Me kaya lesu vua ka bulia ni a sega ni buli koya,
Se me kaya vua na tamata ni sega ni kila e dua na ka?
17Ena sega ni dede sa na veisau o Lepanoni me vanua ni teitei
Kei na veivanua ni teitei bulabula me veikau loa.
18Ena siga o ya era na rogoca na didivara,
Ni sa wiliki ena domolevu e dua na i vola,
Ka ra na rai na mataboko era bula voli ena bula ni vakayayamo.
19Era na kunea na marau vou mai vei Jiova na yalo malumalumu.
Ka ra rawata na reki na tamata dravudravua ena kedra maliwa na tamata,
Vua na Kalou Yalosavasava ni Isireli.
20Ni ra sa takali yani na dauveivakasaurarataki,
Ena oti yani na viavialevu,
Ka ra na vakarusai na i valavala ca.
21Era na vakarusai na dauvakacaca,
Se o ira era tarova na nodra totogi na dauvakacaca,
Kei ira era lasu me ra tarova kina na lewa dodonu,
Vei ira na tamata caka dodonu.
22Ia oqo, sa kaya ko Jiova na nodra Kalou na Isireli
O koya sa vakabulai Epara-ama mai na nona leqa,
“Era na sega tale ni madua na noqu tamata,
Se vulaci na matadra ni ra vakamaduataki.”
23Ni sa raici ira na luvena,
Na cakacaka ni ligaqu ena kedra maliwa;
Era na vakarokorokotaka na yacaqu;
Era sa rokova na Le Dua Yalosavasava i Jekope,
Ka rerevaka na nodra Kalou na Isireli.
24O ira sa cala na yalodra
Era na yalomatua tale,
O ira era dau vosa kudrukudru,
Era na vinakata tale me ra vakavulici.
Who We AreWhat We EelieveWhat We Do
2025 by iamachristian.org,Inc All rights reserved.
