1Ni taqomaki au na Kalou
Ni'u sa lako mai vei kemuni me'u vakarurugi.
2Au sa kaya vei Jiova, “Sa i kemuni na noqu Turaga.
Na veika vinaka kece e tu vei au sa taka mai vei kemuni.”
3Sa na vakacava na nodra vinaka na tamata yalodina ni Turaga!
Na ka au taleitaka vakalevu duadua sai koya me'u tiko kei ira.
4O ira era muri ira na veikalou tani
Era sa kauta ga mai vei ira na leqa.
Au na sega ni vakaitavi ena nodra i soro
Ka'u na sega ni qaravi ira na nodra kalou.
5Sa i kemuni ga Jiova na ka kece au sa gadreva;
Sa tu ga na noqu bula ena ligamuni.
6Sa talei dina na veisolisoli o ni solia vei au;
Era sa uasivi dina.
7Au na vakacaucautaki Jiova baleta ni sa vakasalataki au,
Ia ena bogi sa tuberi au na yaloqu.
8Au sa dau kauwaitaka ni sa tiko voli kei au ko Jiova.
Sa dau voleka tikoga o koya ka sega na ka me yavalati au.
9Sa i koya oqo au sa sinai tu ga kina ena reki kei na marau,
Kau vakila ni'u sa taqomaki tu;
10Baleta ni o ni na sega ni laivi au me'u lako yani ki na nodra vanua na mate.
O ni na sega ni laivi koya o ni sa lomana
Me lako ki na boto ni qara.
11O ni na vakaraitaka vei au na sala sa basika ki na bula;
Na nomuni tu voleka sa vakasinaiti au ena reki
Ka sa kauta mai na marau tawa mudu na nomuni veivuke.
Who We AreWhat We EelieveWhat We Do
2025 by iamachristian.org,Inc All rights reserved.
