SAME 13 - Ai Vola Tabu Ena Vakavakadewa Vou（FNV）

Masu ni Veivagalalataki mai na MecaVua na i liuliu ni sere. A Same i Tevita.

1Kemuni Jiova,

Ena vakaevei soti na dede ni nomuni guilecavi au?

Me na tawa mudu li?

Ena vakacava soti na kena dede

mo ni vunitaki kemuni tiko kina vei au?

2Ena vakacava soti na kena dede

me'u vosota tiko kina na vutu?

A cava na kena dede me na vakasinaiti kina na yaloqu

ena rarawa ena siga kei na bogi?

3Ni raici au Jiova na noqu Kalou

Ka sauma na noqu masu.

Ni vakaukauwataki au, me'u kakua ni mate.

4De ra na qai kaya na kequ meca,

“Keimami sa vakadrukai koya,”

Ka ra na marautaka na noqu bale sobu.

5Ia, au sa vakararavi ga ki na nomuni loloma tudei;

Au na marau, baleta ni o ni na vakabulai au.

6Au na sere vei kemuni, i Jiova

baleta ni o ni sa yalovinaka vei au.