1 TUI Na i Vakamacala Taumada - Ai Vola Tabu Ena Vakavakadewa Vou（FNV）

Na i Vakamacala Taumada Na i Matai ni Kedra i Vola na Tui e vakuria ga na i volatukutuku me baleta na veiliutaki vakatui e Isireli ka vakatekivutaki mai na i vola i Samuela. E tolu ga na kena i wasewase lelevu: (1) Veisosomitaki o Solomoni me tui Isireli kei Juta, kei na mate i Tevita na tamana. (2) Na veiliutaki kei na veika a rawata o Solomoni. E nanumi vakabibi eke na nona tara na Valenisoro mai Jerusalemi. (3) Na wasei rua ni vanua me dua na matanitu ena vualiku ka dua ena ceva, kei na kedra i tukutuku na tui era veiliutaki kina, me yacova mai na veimama ni i kaciwa ni senitiuri ni bera na gauna i Karisito.Ena kedra i vola ruarua na Tui, a lewai kina o koya e veiliutaki me vaka na nona yalodina tiko vua na Kalou, ni na kunei na vuana ena nodra bula sautu na lewe ni matanitu. Ia era dau kune rarawa o ira era qarava na kalou tani kei ira era talaidredre. Era lutu kece na tui mai na vualiku; ia o ira na tui Juta eso e vinaka ka so e sega soti ni ca.Era vakabibitaki ena 1 Tui o ira na parofita i Jiova, oqo o ira na tamata yaloqaqa era a tukuna yani na vosa ni Kalou ka vunauci ira na tamata me ra kakua ni vakalou ki na matakau, se talaidredre vua. E vakairogorogo sara o Ilaijia ena nona veibolebolei kei ira na parofita i Peali (wase 18).Na Lewe ni VolaNa i otioti ni gauna ni lewa i Tevita 1.1—2.12

Sa buli me tui o Solomoni 2.13-46

Gauna ni lewa i Solomoni 3.1—11.43

a. Na veiliutaki taumada 3.1—4.34

b. Sa tara na Valenisoro 5.1—8.66

c. Na veiyabaki e muri 9.1—11.43

Sa wase rua na matanitu 12.1—22.53

a. Era vakaduduile na yavusa mai na vualiku 12.1—14.20

b. O ira na tui Juta kei na tui Isireli 14.21—16.34

c. O Ilaijia na Parofita 17.1—19.21

d. O Eapi na tui Isireli 20.1—22.40

e. O Josefati na tui Juta kei Esaia mai Isireli 22.41-53