1 Roma 3.10-12 Era sa kaya e lomadra na tamata lialia,
“Sa sega ni dua na Kalou.”
Era sa ca taucoko sara,
Era sa vakayacora na veika sa rerevaki,
Sa sega mada ga ni bau dua e cakava na ka dodonu.
2Sa rai sobu mai na Kalou mai lomalagi,
Me bau raica e dua na tamata vuku,
E dua e dau qaravi koya.
3Ia era sa gole tani kecega,
Ka sa tautauvata kece na nodra ca,
E sega ni bau dua vei ira me bau caka dodonu,
ka sega ni dua tale e vo.
4A sa taroga na Kalou, “Era sa sega beka ni kila?”
“Era sa lecaika beka na tamata ca oqo?
Era sa bula voli ena nodra butakoci ira na noqu tamata
Ka sega ni bau masu mai vei au.”
5Era na qai rere vakalevu sara,
Me vaka era se sega ni bau sota kaya e liu;
Ni na veibiuyaka na Kalou na suidra na kemuni meca.
Ena vakadrukai ira taucoko vakadua sara,
Baleta ni sa sega ni taleitaki ira o koya.
6Au na masulaka me yaco mai na veivakabulai
Vei ira na Isireli mai Saioni!
Ni sa vakatoroicaketaki ira tale na nona tamata na Kalou
Era na marau na kawa i Jekope; era na reki na Isireli.
Who We AreWhat We EelieveWhat We Do
2025 by iamachristian.org,Inc All rights reserved.
