1 Aisea 34.5-17; Jere 49.7-22; Isi 25.12-14; 35.1-15; Emo 1.11,12; Ope 1-14; Mala 1.2-5 “O cei sa lako tiko mai oqo mai Posira mai Itomi?
O cei sa vakaisulu damudamu rairai vinaka
Ka lako tiko mai ena kaukauwa levu?”
Na Turaga ko Jiova o koya sa kaukauwa ni veivakabulai
Ka sa lako tiko mai me mai kacivaka na qaqa.
2“Na cava e sa rui damudamu kina na nona i sulu,
Me vaka na nona i sulu e dua na tamata butu qerepi
Me caka kina na waini?”
3 Vtaki 14.20; 19.15; Vtaki 19.13 A qai sauma na Turaga ka kaya.
“Au a butuqaqia na veimatanitu me vaka na qerepi
Ka sega ni bau dua e lako yani me vukei au.
Au a butuqaqi ira ena noqu cudru
Ka sa dra wale ga na noqu i sulu.
4Au sa nakita me yaco mai na siga,
Me'u vakabulai ira kina na noqu tamata;
Ka sa gauna me'u totogitaki ira kina na kedra meca
5 Aisea 59.16 Ia na ligaqu ga sa vakavuna me'u qaqa
Ka sa vakaukauwataki na noqu cudru.
6Au sa butulaki ira sobu na veimatanitu ena noqu cudru;
Era sa dasila, ka'u sa sova na nodra dra ki na qele.”
Na Vinaka i Jiova vei Isireli7Au na tukuna voli na loloma tawa yalani i Jiova
Au na vakacaucautaki koya baleta na veika kece sa cakava vei keda.
Sa vakalougatataki ira sara vakalevu na Isireli
Ena vuku ni nona yalovinaka kei na yalololoma.
8A sa kaya ko Jiova.
“Era sa noqu tamata ka ra na sega ni vakaisini au.”
Au sa yaco me'u nodra i Vakabula
9Mai na leqa kece era sotava.
Na Turaga sara ga vakai koya sa vakabulai ira;
E sega tale ni dua na agilosi.
Sa vakabulai ira o koya ena nona loloma levu
Kei na nona yalololoma.
Sa dau taqomaki ira ena veigauna sa oti,
10Ia era sa dau saqati koya
Ka vakararawataka na nona Yalo Tabu;
A sa yaco kina me kedra meca ko Jiova
Ka sa veivala vata tale kei ira.
11Ia era sa qai nanuma na gauna e liu,
Na gauna i Mosese na tamata ni Kalou, ka kaya.
“Sa e vei ko Jiova
O koya a vakabulai ira na nodra i liuliu na nona tamata
Mai na loma ni wasawasa?
Sa e vei o koya ka solia na yalona vei Mosese?
12 Lako 14.21 Sa e vei na Turaga a vakayagataka na nona kaukauwa
Ka cakava na veika lelevu ena bula nei Mosese,
O koya ka wasea rua na wasawasa e matadra
Me rogo tu kina ena veigauna kece,
13Ka liutaki ira talega ena loma ni wasawasa?
A ra sa sega ni tarabe
Me vaka e dua na ose ena vanua dravuisiga.”
14Me vaka na bulumakau era kau yani ki na dua na buca bulabula
Sa solia vakakina na vakacegu ko Jiova vei ira na nona tamata.
A Masu ni Kere Loloma kei na Veivuke15Kemuni na Turaga,
Ni raici keimami sobu mai lomalagi
Mai na nomuni i tikotiko lagilagi.
Sa e vei na nomuni kauwaitaki keimami?
Sa e vei na nomuni kaukauwa?
Sa e vei na nomuni veinanumi ena yalololoma?
Ni kakua ni vakanadakui keimami.
16Sa i kemuni na tama i keimami.
O Epara-ama e sega ni kilai keimami,
O Jekope talega e sega ni kilai keimami.
Ia oi kemuni ga Jiova na Tama i keimami.
Sa i kemuni ga o ni dau vukei keimami ena veigauna kece.
17Na cava o ni sa laivi keimami kina
Me keimami yalo kaukauwa ka vakanadakui kemuni?
Ni lesu mai ena vukudra na nomuni tamata dauveiqaravi
O ira na nomuni tamata digitaki.
18O ira na neimami meca
Era sa voleka ni vakasavi ira vakadua na nomuni tamata,
Ka ra sa vakadukadukalitaka na nomuni vale tabu.
19O ni sa okati keimami me vaka o ni sega ni neimami i liuliu
Ka vaka me keimami sa sega ni nomuni tamata.
Who We AreWhat We EelieveWhat We Do
2025 by iamachristian.org,Inc All rights reserved.
