2 TUI Na i Vakamacala Taumada - Ai Vola Tabu Ena Vakavakadewa Vou（FNV）

Na i Vakamacala TaumadaSa vakuri tikoga ena i Karua ni Kedra i Vola na Tui na kedra i tukutuku na tui ni rua na nodra matanitu na Isireli, ena vanua a mai cava kina na i Matai ni Tui. E rawa ni wase ga vakarua na i vola oqo: (1) Na i tukutuku ni matanitu e rua, tekivu ena veimama ni kaciwa ni yabaki drau ni bera na gauna i Karisito ka kauta mai ki na rawai kei Samaria ena i yalayala ni matanitu mai na vualiku, ena yabaki 722 ni bera ni sucu na Karisito (BSK); (2) Na i tukutuku ni matanitu o Juta, tekivu mai na tawase ni matanitu o Isireli me yacova ni a rawai Jerusalemi ka vakarusa o Nepukanesa na tui Papiloni, ena yabaki 586 BSK. A mai tini na i vola ena i tukutuku kei Ketalaia na Kovana e Juta a lesi mai Papiloni, kei na sereki i Jo-akini na tui Juta ena vale ni veivesu mai Papiloni.A kune rarawa na vanua raraba ni ra a sega ni yalodina na tui kei ira na nodra tamata mai Isireli kei Juta. A sa dua na veisau levu ena kedra i tukutuku na Isireli a yaco ni a vakarusai o Jerusalemi ka ra bobula e vuqa na kai Juta.A vakairogorogo ena i Karua ni Kedra i Vola na Tui na parofita ka i sosomi kei Ilaijia, o ya o Ilaisa.Na Lewe ni VolaSa tawase rua na matanitu 1.1—17.41

a. O Ilaisa na parofita 1.1—8.15

b. O ira na tui Juta kei na tui Isireli 8.16—17.4

c. Sa rawai o Samaria 17.5-41

Na matanitu o Juta 18.1—25.30

a. Mai vei Esekaia kivei Josaia 18.1—21.26

b. Na gauna ni lewa i Josaia 22.1—23.30

c. O ira na i otioti ni tui Juta 23.31—24.20

d. Na rawai nei Jerusalemi 25.1-30