1Ena yaco na leqa ki na matanitu o Isireli!
Sa seavu yani na lagilagi ni kena senikau talei,
Sa toka e uludra era sa vesuki ena magiti sau levu,
O ira era sa daumateni ena waini!
2Raica sa dua na tamata kaukauwa ka qaqa i Jiova,
Sa vaka na uca cevata e dauveivakarusai,
Ka vaka na cava kaukauwa kei na wai ni waluvu,
Ena ubia na dela ni vanua.
3Ena buturaki ki na qele
Na nodra viavialevu na i liuliu daumateni ni Ifereimi.
4Ena takali yani na nodra i ukuuku malai,
Me vaka na beti ni lolo taumada ena kena gauna,
Ni ra sa dreu me ra laukana.
5Ena siga o ya,
Ena vaka e dua na i sala vakatui senikau lagilagi
Ko Jiova vei ira na vo-ni-bula ni nona tamata.
6Ena solia na yalo ni lewa dodonu vei ira na turaganilewa,
Kei na kaukauwa vei ira era vakasavi ira na meca,
Era kaba na matamata ni koro.
O Aisea kei Ira na Parofita Daumateni ni Juta7O ira talega oqo sa vakacalai ena waini
Ka vakasesei ena gunu kaukauwa;
Oi rau na bete kei na parofita erau sa vakacalai ena gunu kaukauwa,
Ka rawai rau na waini,
Era sa vakasesei ena gunu kaukauwa;
Ka rau sa cala ena raivotu,
E rau sa yatayata ena lewa.
8Sa robota na teveli era dabe wavokita na lua,
Ka sa sega ni vo e dua na tikina.
9O cei e nanuma na parofita me vakavulica ena kila-ka?
O cei e gadreva na nona i vakavuvuli?
E yaga beka ga vei ira na gone sa qai kali ka biu sucu.
10Sa vinakata me vakavulici keda vakaveitarataravi ena i vakavuvuli
Ka me veitarataravi sara vakaiyatu,
Vakalailai edaidai, vakalailai tale ni mataka.
11 1Kori 14.21 Ia kevaka o ni sa bese ni rogoci au,
Ena vakayagataki ira na kai matanitu tani na Kalou,
Era vosataka eso na mataqali vosa tani me vosa kina vei kemuni.
12Sa solia vei kemuni kece na tiko vinaka kei na vakacegu,
Ia o ni sa sega ni via rogoci koya.
13O koya oqo sa via vakavulici kemuni vakaveitarataravi kina ko Jiova
Me veitarataravi sara ga vakaiyatu,
Ka vakalailai edaidai ka vakalailai tale ni mataka,
Me ra na lako ka bale,
Kamusu, coko ena dai ka kau sara vakavesu.
A Yavu Tudei me Baleti Saioni14Kemuni na tamata viavialevu o ni veiliutaki tiko e Jerusalemi.
Ni rogoca mada na vosa i Jiova.
15O ni tukuna ni o ni sa cakava oti
E dua na veiyalayalati vata kei mate,
Ka vakayacora e dua na veivakadonui kei eli.
Ni sa na yaco mai na veika ni leqa,
Ena sega ni yacovi keimami,
Baleta ni o ni sa vakadinata na ka lasu,
Ka vakararavi ki na veivakaisini me taqomaki kemuni.
16 Same 118.22,23; Roma 9.33; 10.11; 1Pita 2.6 Sa i koya oqo na ka sa kaya ko Jiova,
“Au sa vakadavoca mai Saioni e dua na yavu, sa kaukauwa ka tudei.
Au sa vakaduria tiko kina e dua na vatu kaukauwa ni tutu
Ka volai kina na veivosa oqo
‘Na vakabauta sa tudei e dau vosota talega.’
17Au na vakayagataka na lewa dodonu,
Me kena wa kei na yalodina me kena vatu ni vakarau
Ia na uca cevata ena savata laivi na lasu o ni vakararavi kina,
Ka na kauta tani na waluvu
Na ka o ni nuitaka me taqomaki kemuni.
18Ia sa na qai kavoro, na nomuni veiyalayalati kei mate,
Ka bokoci na nomuni veivakadonui kei eli.
Ia ni sa na yaco mai na veika ca,
O ni sa na bale kece yani kina.
19Ena yacovi kemuni vakaveitarataravi,
Ena veimataka, sigalevu kei na bogi.
Na veitukutuku vou yadua mai vua na Kalou,
Ena kauta mai na rere vou.
20O ni na vaka na tamata ena vosa vakaibalebale
Ka tovolea me moce ena dua na i mocemoce lekaleka
Ka tutuvi ena dua na tiki ni sulu raba lailai.
21 2Samu 5.20; 1Vei 14.11; Josua 10.10-12 Ni na tucake ko Jiova ka vala
Me vaka e a cakava ena ulunivanua o Perasimi
Kei na buca o Kipioni;
Me cakava kina na ka sa nakita me cakava,
Ka sa rairai veivakurabuitaki na cakacaka e cakava.
E a vakaotia na nona cakacaka,
Ka sa veivakurabuitaki na cakacaka o ya.
22Ni kakua ni dredrevaka na ka au sa tukuna oqo vei kemuni.
Ia kevaka o ni dredrevaka,
Ena qai dredre sara vei kemuni mo ni dro rawa.
Na Vuku ni Kalou23Ni vakatudaliga mada ki na noqu vosa
Ni rogoca vinaka na ka au tukuna vei kemuni.
24E sega ni dua na dauteitei,
E siviyara tikoga ka tawa mudu,
Me vakarautaka tu na nona vanua me teivaki.
25Ena gauna ga sa siviyarataka oti kina na nona vanua,
ena tea sara na nona sore ni kau.
Ena tea vakaiyatu na witi kei na barile,
ka na tea na veisore ni kau tale eso,
Ena i yalayala ni nona vanua.
26Sa kila na sala e muria ena nona cakacaka,
Ni sa vakavulici koya kina na Kalou.
27Sa sega ni vakayagataka e dua na kau bibi
Me samuta kina na nona se ni veika a tea
Ia sa vakayagataka ga e dua na kau madu.
28Sa sega ni vakacacana na sore ni witi o koya
Ena nona samuta wasoma.
Sa kila na samu witi ena nona kauta
E dua na qiqi e dela ni binibini ni witi,
Ka ra sega ni kavuru kina na vuana.
29Na vuku kece oqo sa taka mai vei Jiova ni lewevuqa.
Sa uasivi sara na nona veivakasalataki,
Ka cecere sara na nona vuku.
Who We AreWhat We EelieveWhat We Do
2025 by iamachristian.org,Inc All rights reserved.
