SAME 5 - Ai Vola Tabu Ena Vakavakadewa Vou（FNV）

Na Masu ni Kere VeitaqomakiVua na i liuliu ni sere: baleta na bitu ni vakatagi. A Same i Tevita.

1I Jiova, mo ni vakatudaliga ki na noqu vosa,

Ka kauwaitaka na noqu vakanananu.

2Sa i kemuni na noqu Tui kei na noqu Kalou,

Ka mo ni rogoca mai na domo ni noqu tagi

Ni'u sa masu ga vei kemuni.

3I Jiova, o ni sa rogoca na domoqu ena kida ni mataka,

Ena kida ni mataka, au sa masu yani vei kemuni,

Ka'u sa wawa ka namaka tiko na kena i sau.

4O ni sa Kalou ka o ni sega ni rekitaka na i valavala ca;

Ka sega ni laiva na ca me vakayacori e matamuni.

5O ni sa sega ni laiva na tamata dokadoka me tu e matamuni

Ka cati ira kece na tamata i valavala ca.

6O ni sa cati ira na tamata lasulasu kecega me tu e matamuni

Ka i vakarau kaukauwa ka lawaki ca.

7Ia oi au, au sa lako mai ki na nomuni vale

Ena vuku ga ni nomuni loloma levu.

8Au na cuva sobu vei kemuni ena vakarokoroko

Ni tuberi au me'u vakayacora na lomamuni,

Ka vakadodonutaka e mataqu na nomuni sala me'u muria.

9

10Ni vakarusai ira ka totogitaki ira na Kalou;

Ni vakadaroya na nodra i naki ca e vuqa.

Ni viritaki ira tani mai na matamuni

Baleta na nodra i valavala ca e vuqa

Kei na nodra veisaqasaqa kei kemuni.

11Era na marau o ira kecega o ni sa taqomaki ira

Ka ra dau laga sere tikoga ena marau.

O ni sa taqomaki ira era sa lomani kemuni

Ka ra sa marau dina me baleti kemuni.

12O ni vakalougatataki ira era sa talairawarawa vei kemuni Jiova,

Ka taqomaki ira ena nomuni yalovinaka me vaka e dua na i sasabai.