JEREMAIA 45 - Ai Vola Tabu Ena Vakavakadewa Vou（FNV）

Vosa ni Vakacegu vei Baruki

1Na vosa ka a tukuna o Jeremaia na parofita vei Baruki na luve i Neria ena i ka va ni yabaki i Jioiakimi na luve i Josaia na tui Juta, ni vola oti o Baruki na vosa i Jeremaia ka a cavuqaqataka tiko ki vua:

2Oqo na ka sa kaya ko Jiova na nodra Kalou na Isireli, sa kaya vei iko, Baruki:

3O a kaya, ‘Au sa ca! Sa vakaikuritaka na noqu rarawa ko Jiova; Au sa kolaiciba ena vutugu ka'u sa sega ni vakacegu rawa!”

4Sa kaya ko Jiova, “Tukuna oqo vua: ‘Oqo na ka sa kaya ko Jiova: Au na vakarusa na veika au a tara ka cavuraka na veika kau au a tea, ena loma ni vanua taucoko.

5Kevaka o na vakasaqara na veika lelevu mo rogo kina? O na mate wale. Baleta ni'u na vakarusa na tamata kecega,’ sa kaya ko Jiova, ‘Ia, au na taqomaka na nomu bula mo drotaka rawa kina na veivakarusai, ena vanua kece o lako kina.’ ”