1A sa kauti au tale o koya ki na daku ni katuba ni Valenisoro. A sa dave tiko na wai mai na ruku ni katuba ni Valenisoro ka drodro sobu vaka ki na tokalau (ni sa vuki vakakina ki na tokalau na Valenisoro). A sa drodro sobu tiko na wai mai na mua ni katuba ni Valenisoro vaka ki na ceva, mai na yasa ni cabocabonisoro.Yalayala ni Vanua
13A kaya vakaoqo na Kalou ko Jiova: “Sa i koya oqo na i yalayala ni veivanua o ni na vota na veimataqali i Isireli e tini karua, me nodra i votavota. Me nei Josefa e rua na i votavota.
14Ia mo ni wasewasea sara vakatautauvata; au a bubului me'u na solia vei ira na nomuni qase, ka sa na lutu ki na ligamuni na vanua oqo me nomuni votavota.
15“Sa i koya oqo na i yalayala ni vanua: Ena tikina vaka ki na vualiku mai na Wasa Meditereni ena sala ki Eciloni ki na i curucuru ki Emaci ka lako yani vaka ki Sitati,
16ki Beroca, ki Sipireimi, ka koto ena kedrau i yalayala o Tamasiko kei Emaci me yaco sara yani ki na koro o Eisatikoni, ka koto ena i yalayala ki Aurani.
17Ena kena i yalayala mai na waitui ki Esarienoni, ka koto ena i yalayala kei Tamasiko vaka ki na tokalau, ka sa kena i yalayala o Emaci vaka ki na vualiku. Ia oqo na kena i yalayala ena yasana ki na vualiku.
18“Ia ena yasana vakatokalau, sa cici mai na i yalayala mai Asarienoni ena kedrau veimama o Aurani kei Tamasiko; ka muria na Joritani ena kedrau tadrua o Kiliati kei na vanua o Isireli; kei na wasawasa vakatokalau me yaco sara ki Tema. Oqo na kena i yalayala ena yasa ki na tokalau.
19“Ia ena yasana ki na ceva, ena tekivu mai Tema ka yaco sara ki Katesi Meripa, ka muria yani na i yalayala kei Ijipita mai na vua-i-ra me yaco ki na Wasa Meditereni.
20Ia ena kena i yalayala ki na ra, ena kena i yalayala na Wasa Meditereni ka lako cake vaka ki na vualiku ki na dua na vanua ena ra ni curucuru ki Emaci.
21“Ia mo ni vota na vanua oqo vei kemuni me vaka na veimataqali e Isireli.
22Mo ni sa na vota me i votavota me nomuni kei ira na vulagi era tiko kei kemuni, ka ra sa vakaluveni kei kemuni. Ia me ra tautauvata o ira kei kemuni na Isireli sucu i taukei dina; era sa na vakaivotavota vata kei kemuni ena veimataqali e Isireli.
23Ia mo ni vota vei ira na nodra i votavota ena mataqali cava ga era tiko vulagi kina,” sa kaya na Kalou ko Jiova.
Who We AreWhat We EelieveWhat We Do
2025 by iamachristian.org,Inc All rights reserved.
