1Oqo eso tale na vosa vakaibalebale i Solomoni era a vola na tamata i Esekaia na tui Juta.
2Sa rogo na Kalou ni vunia na ka; eda sa dokai ira na tui ena veika era sa tukuna.
3E sega ni rawa mo kila na ka e vakasamataka e dua na tui; sa siviti keda na nona vakasama me vaka na cecere ni lomalagi se na titobu ni wasawasa.
4Kauta tani na veika duka mai na siliva ena qai rawa me cakava na dautuki kaukamea e dua na ka rairai vinaka.
5Kauta tani na dauvakasala ca mai vua na tui ena qai kilai kina na nona matanitu ena kena lewa dodonu.
6 Luke 14.8-10 Kakua ni via vakaraitaka na ka e baleti iko ni o tu e matana e dua na tui se via vakaraitaka na nomu cecere.
7E uasivi cake mo kacivi mai mo la'ki dabe ki cake, ka ca me qai tukuni mai mo solia na nomu i dabedabe vua e dua e cecere cake.
8Kakua ni vakusakusa mo la'ki veilewai ena dua na ka o a raica. Kevaka e qai vakadinadinataka e muri e dua na tamata i vakadinadina ni o cala, na cava o na qai cakava?
9Kevaka e duidui na nomudrau vakasama kei na kai nomu, drau tovolea mo drau raica vata na kena duidui ka kakua ni vakaraitaka na ka vuni baleti koya e dua vei kemudrau.
10Kevaka e sega era na qai kila na tamata kece ni o sega ni rawa ni maroroya e dua na ka vuni, ka na sega ni oti rawa na kemu i rogorogo.
11Na vakasama e vakamacalataki vakavinaka e vaka e dua na ka e caka ena koula ka dregati ki na i yaya siliva.
12E uasivi cake na i vakasala e solia e dua na tamata vuku vua e dua na tamata e via rogoca, mai na sau koula se na i ukuuku caka mai na koula dina.
13Na daukau i tukutuku nuitaki, sa vakabulabulataki koya sa talai koya, me vaka na wai batabata ena katakata ni vula i tatamusuki.
14Na tamata e sega ni solia na ka e yalataka e vaka na cagi kei na o e sega na kena uca.
15Na veivakamasuti ena yalo vosota sa rawa ni musuka sobu na yalo e kaukauwa, sa rawa talega ni rawai kina o ira na turaga.
16Kakua ni kania vakasivia na oni, kevaka e sivia sa na rawa ni o lualua tale kina.
17Kakua ni la'ki sikova vakawasoma e dua na nomu i tokani, de na qai vuturi ka yaco me cati iko.
18Na tamata e tukuna na veika lasu me baleta na wekana sa vaka e dua na i seleiwau, na i wau, se dua na gasau ni dakaititi momoto sara.
19Na vakararavi ki na dua na tamata e sega ni nuitaki ena dua na gauna ni leqa, sa vaka na kana ena bati sa yavavala se na lako ena yava sa lokiloki.
20Ena tautauvata talega kei na nomu via katakata ena dua na siga batabata ena nomu luvata tani na nomu i sulu. Na laga sere vua e dua na tamata sa yalo rarawa, sa vaka ni o luvata na nona i sulu ena siga batabata se vaka na masia e dua na mavoa ena masima.
21 Roma 12.20 Kevaka sa viakana na kemu meca, vakani koya; kevaka sa viagunu; vagunuvi koya.
22Na ka oqori o na vakamaduataki koya kina ka na qai saumi iko ko Jiova.
23Na kakase sa vakavuna na cudru me vaka na kena kauta mai na vualiku na uca.
24E vinaka cake na tiko ena tutu ni dela ni vale mai na tiko kaya na yalewa dauvakatubu veileti.
25Na rogoca na i tukutuku vinaka mai na vanua tani sa vaka na gunuva na wai batabata ena gauna ni karamaca.
26Na tamata yalododonu sa soli koya yani vua e dua na tamata ca, sa vaka na mata ni wai vuvu se na i keliwai ca.
27Sa sega ni vinaka vei iko mo kania vakalevu na oni, ka vakakina na nomu saga mo vakacaucautaki vakalevu.
28Kevaka o sega ni tarova rawa na yalomu, o sa vaka e dua na koro sa bale na kena bai ena kena malumalumu.
Who We AreWhat We EelieveWhat We Do
2025 by iamachristian.org,Inc All rights reserved.
