1Ni sa raici ira na lewe vuqa ko Jisu, sa cabe cake ki na ulunivanua. Ni sa dabe sobu, e ratou sa qai lako mai ki vua na nona tisaipeli,
2sa qai tekivu vosa o koya, ka vakatavulici iratou, ka kaya:
Na Kalougata Dina(Luke 6.20-23)3“Sa kalougata o ira era sa yalo malumalumu,
Ni sa nodra na matanitu vakalomalagi.
4“Sa kalougata o ira era sa dautagi;
Ni ra na vakacegui.
5“Sa kalougata o ira era sa yalomalua;
Ni ra na taukena na vanua.
6“Sa kalougata o ira era via kania ka via gunuva na ka e dodonu;
Ni ra na vakamamautaki.
7“Sa kalougata o ira era dauloloma;
Ni ra na lomani.
8“Sa kalougata o ira era sa yalosavasava;
Ni ra na raica na Kalou.
9“Sa kalougata o ira era dau sasagataka na veivinakati,
Ni ra na vakatokai me ra luve ni Kalou.
10“Sa kalougata o ira era vakacacani ena vuku ni ka e dodonu;
Ni sa nodra na matanitu vakalomalagi.
11“Dou sa kalougata ni dou sa vakasewasewani, ka vakacacani, ka vosa vakacacataki vakailasu ena ka kecega e ca ena vukuqu.Na Masima kei na Rarama(Mari 9.50; Luke 14.34-35)
13“Oi kemudou na masima kei vuravura. Ia kevaka sa seavu mai na masima na kena tuituina ena qai vakatuituinataki tale ena cava? Sa na qai sega ni yaga ena dua na ka, me sa biu tani ga, me ra buturaka na tamata.
14“Oi kemudou na rarama kei vuravura. Na koro sa toka e delana ena sega ni tabonaki rawa.Na i Vakavuvuli me Baleta na Lawa
17“Dou kakua ni nanuma ni'u sa lako mai me'u taba bokoca na Lawa kei na nodra i vakavuvuli na parofita, au sega ni lako mai me'u kauta tani, ia me'u vakataucokotaka ga.
18Ni'u sa kaya vakaidina vei kemudou, ena sega sara ni takali rawa mai na Lawa e dua na i toqa se tikina lailai sara ka yacova ni sa takali o lomalagi kei vuravura, ena vakayacori kece mada ga.Na i Vakavuvuli me Baleta na Veisere(Maciu 19.9; Mari 10.11-12; Luke 16.18)
31“Sa tukuni talega, ‘O koya sa biuta tani na watina, e dodonu me solia vua na i vola ni vakadinadina ni veibiu.’Na i Vakavuvuli me Baleta na Bubului
33“Dou sa rogoca talega ni a kainaki vei ira e liu, ‘Mo kakua ni bubului vakailasu; ia, mo vakayacora sara vua na Turaga na ka o sa bubului kina.’
Who We AreWhat We EelieveWhat We Do
2025 by iamachristian.org,Inc All rights reserved.
