VAKARUA 22 - Ai Vola Tabu Ena Vakavakadewa Vou（FNV）

1Kevaka o raica na nona bulumakau, se sipi e dua na wekamu ni Isireli ni tasere tu, mo kakua ni laiva tu ga. Vakalesuya ki vua na kena i taukei.

10Kakua ni vakaivuataki rau vata e dua na bulumakau kei na dua na asa me rau siviyara.

11Kakua ni daramaka e dua na i sulu e caka ena vuti ni sipi vata kei na lineni.

12Mo ni cula eso na wa-talitali me ra lili toka ena va na tutu ni i sulu o ni na ubi kemuni kina.Lawa ni Tiko Savasava ni Tagane kei na Yalewa

13Kevaka e dua na tagane sa kauta e dua na yalewa me watina, ia e muri, ni sa veiyacovi kaya oti, sa nanuma me biuta ni sa oti na nona gadrevi koya.

14Sa qai nakita me beitaka vakailasu ka bilitaka ni a sega ni goneyalewa dina ena siga rau a vakamau kina ka ni a sa veiyacovi oti o koya kei na tagane ni bera na vakamau.

15Kevaka a yaco na ka oqo me rau qai kauta na i tubutubu ni yalewa beitaki na i davodavo ni vakamau me vakadinadinataka ni a sega dina ni bau veiyacovi oti e liu na luvedrau. Me rau la'ki vakaraitaka vei ira na qase ni nodratou koro ena mataveilewai.

16Me qai kaya na tama ni goneyalewa vei ira na qase ni koro, Au a solia na luvequ yalewa me rau vakamau kei na tagane oqo, ia sa besetaki koya edaidai;

17ka sa beitaka vakailasu ka kaya ni a sa veiyacovi oti kei na tagane ni rau bera ni vakamau. Sai koya oqo na i vakadinadina ni a sa bera ni bau veiyacovi oti mada e liu na luvequ yalewa. Ni raica mada na i davodavo ni vakamau.

18Me ra qai tauri koya ka veibeitaki o ira na qase ni koro ka vakanakuitaki koya.

19Ia me ra kaya vua me nona i totogi e dua na drau na tiki ni lavo siliva ka me solia na i lavo oqo ki vua na tama ni goneyalewa, ka ni sa vakarogocataka e dua na goneyalewa ni Isireli. Me i kuri ni totogi, o ya me watina tikoga, ena gauna kece sara ni nona bula, ka me kakua sara ni biuta.

20Ia kevaka e kunei ni dina na veibeitaki ka sa sega ni dua na i vakadinadina ni a sa sega ni sa veiyacovi na yalewa,

21me ra kauta na yalewa ki na mata ni katuba ni vale nei tamana, ka vakaviriki koya e kea o ira na tagane ni koro o ya ena vatu me mate. Sa vakayacora na yalewa o ya e dua na i vakarau vakamadua vei keda ni sa veiyacovi o koya kei na tagane ni sa tiko ga e vale nei tamana, ni sa bera ni vakawati. Sai koya oqo na sala o ni vakawabokotaka kina na i tovo ca oqo,

22Kevaka e kune e dua na tagane ni veiyacovi kei na dua na yalewa vakawati me rau vakamatei ruarua. Na sala oqo o ni na vakawabokotaka kina vakadua na i tovo ca oqo e Isireli.

23Kevaka e dua na tagane ena dua na koro, e kune ni veiyacovi kei na dua na goneyalewa sa musuki oti tu me watina e dua na tagane.

24Mo ni kauti rau ruarua ki na taudaku ni koro ka vakaviriki rau ena vatu me rau mate. Me mate na yalewa baleta ni sega ni kaila me kerea na veivuke, ka ni a yaco na ka o ya ena dua na koro, na vanua e dodonu me rogoci kina na nona kaila. Me mate talega na tagane baleta ni sa veiyacovi kei na dua na yalewa sa musuki oti tu vua e dua na wekana na Isireli. Na sala oqo o ni na vakawabokotaka kina na i tovo ca oqo.

25Kevaka e dua na tagane mai na taudaku ni vanua sa kucuva e dua na yalewa sa musuki oti tu vua e dua tale na tagane, ia me na vakamatei ga na tagane.

26Me kakua ni caka e dua na ka vua na yalewa baleta ni sa sega ni cakava e dua na cala me na vakamatei kina. Na cala oqo e vaka ga ni dua na tamata e mokuta e dua tale na tamata ka vakamatea.

27Na tagane oqo sa kucuva na yalewa ka sa musuki oti tu me vakawati ena taudaku ni vanua, ka sa sega ni dua e vukei yalewa rawa ka dina ga ni a sa kaila ni kere veivuke.

28Kevaka e dua na tagane e kune ni vesuka e dua na yalewa e sa bera ni musuki vua e dua na tagane,