1A i karua ni vanua sa votai vei ira na vuvale ena mataqali i Simione. Ia sa tete yani na i wasewase ni nodra vanua ena i yalayala ni nodra vanua na mataqali i Juta.
2Ia sa okati tiko ena nodra vanua o Perisepa, Sepa, Molata,1Vei 4.28-33
3Asasuali, Pala, Esemi,
4Elitolati, Peculi, Oma,
5Sikilaki, Peci-makapoci, Asasusa,
6Peci-lepoci kei Sarueni, na tini katolu na koro levu kei na kena veikoro lalai,
7Sa okati talega kina o Eni, Rimoni, Eca kei Asani, e va na koro levu kei na kena veikoro lalai,
8ka vaka talega kina na veikoro lalai ka ra tu voleka kina kei na veikoro lelevu talega ka yaco sara yani ki Pealaci-pieri, Rama o ya ena Ceva. Oqori na i wasewase ni vanua era taukena na mataqali i Simione.
9Me vaka ni sa levu na i votavota ni vanua a soli vei Juta, a mani soli ki na mataqali i Simione e dua tale na kena i wase.
Nodra Vanua na Sevuloni10A i katolu ni votavota a votai ki na vuvale ena mataqali i Sevuloni. Ia na vanua a soli vei ira a yaco sara ki Sariti.
11Mai kea a lako sara na nodra i yalayala ni vanua vaka ki na ra i Marela, ka tarai Tebiseci ki na so ni wai vaka ki na tokalau kei Jokiniame.
12Mai na yasana vaka ki Sariti a gole vaka ki na tokalau ki na i yalayala kei Kisiloci-teipori, vaka ki Teperaci ka lako cake ki Jafia.
13Sa toso vaka ki na tokalau ki Kita-eferi kei Ita-kasini, gole vakanamata ki Nea ka gole vaka ki Rimoni,
14ena vualiku na i yalayala e gole vaka ki Anaconi, ka la'ki cava ena veitokaitua kei Ifita-eli.
15O ya e okati kina o Kataci, Neelali, Simironi, Itala kei Peceliema, ka tinikarua na koro lelevu ka vakakina na veikoro lalai era tu voleka kina.
16O ira na veikoro lelevu, lalai oqo era a kovuti tu ena vanua a nodra na vuvale kei na mataqali i Sevuloni.
Nodra Vanua na Isakari17A i ka va ni votavota sa votai vei ira na vuvale ena mataqali i Isakari.
18Na veivanua a okati vei ira o Jesirelisa, Kesulo, o Sunemi,
19Efaraimi, Sioni, Enaraci,
20Ropici, Kisoni Epesi,
21Rimici, Eni-kanimi, Eni-ata kei Peci-pasesi.
22Na kena i yalayala sa tarai Tepori, Seesima kei Peci Semesi, ka yala sara mai na bati ni Joritani. Sa okati ena vanua oqo e tini kaono na veikoro lelevu, lalai talega.
23Na veikoro lelevu lalai talega oqo, sa nodra i votavota na veivuvale i Isakari.
Nodra Vanua na Aseri24A i kalima ni votavota sa votai vei ira na vuvale ena mataqali i Aseri.
25Na veivanua a okati vei ira o Elikaci, Eli, Peteni. Ekisafi,
26Elameleki, Amata kei Misieli. Ena ra sa tarai Kameli kei Siori-lipinasi.
27Sa vuki vaka ki na tokalau ka yaco sara ki Peci-takonu ka tarai Sevuloni kei na veitokaitua kei Ifata-eli ka gole vaka ki na vualiku ki Pece-emeki Nieli, ka toso yani vaka ki na vualiku me yaco sara ki Kepuli.
28Epironi, Raopi, Emoni kei Kana ka yaco sara yani ki Saitoni.
29Ia na i yalayala ni vanua a gole tale vaka ki Rama, ka yaco yani ki na koro vakabai mai Taia, ka gole vaka ki Osa ka la'ki yala sara ki na Wasa Meditereni. Oqo e okati kina o Maalapa, o Akisipi,
30o Uma, o Apeki, kei Reopi: e kovuta e 22 na veikoro lelevu kei na kena veikoro lalai era koto wavolita.
31O ira na veikoro lelevu oqo kei na veikoro lalai era a kovuti tu ena i votavota ni vanua ka votai vei ira na vuvale ni yavusa i Aseri.
Nodra Vanua na Navitalai32A i kaono ni votavota a votai vei ira na vuvale ni yavusa i Navitalai.
33Ia na i yalayala ni vanua sa gole vaka ki Elepi ki na vu ni Oki mai Seananimi ka vaka ki Adaminekevi, ki Jaminia me yaco sara ki Lakumi ka la'ki yala mai na Joritani.
34Mai kea na i yalayala ni vanua a gole vaka ki na ra kei Asanocitepori, mai kea ki Ukoki ka tarai Sevuloni ena ceva ki Aseri ena ra kei Juta ena tokalau ni Joritani.
35Ia na kena veikoro vakabai o Sitimi, Seri, Emaci Rakati, Jinereci.
36Alama, Rama, Esori.
37Ketesi, Etirei-Eniesori.
38Aironi, Mikitalieli Oremi, Pecianaci kei Pecisemisi ka tini kaciwa talega na kena veikoro lelevu kei na kena veikoro lalai.
39Oqo na nodra i tikotiko na mataqali i Navitalai kei na nodra veivuvale kecega, ena veikoro lelevu kei na kena veikoro lalai.
Nodra Vanua na Mataqali o Tani40A i kavitu ni votavota a votai vei ira na mataqali i Tani kei na nodra veivuvale kecega.
41Na i wasewase ni vanua sa okati kina o Sora, Esitaoli, Irisemesi,
42Selapini, Aijaloni, Itila,
43Eloni, Timina, Ekironi,
44Eliteke, Kipiconi, Pealaci,
45Jeuti, Pene-peraki, Kaci-rimoni,
46Mejarikoni, kei Rakoni ena i yalayala ka veibasai kei Jopa.
47Ena gauna a tauri kina na nodra i yalayala ni vanua na mataqali i Tani, era sa qai lako cake kina me vala kei ira na Lesemi, ia ni ra rawai ira oti ena nodra i seleiwau, era mani vakatokai Lesemi, me o Tani na yaca ni nodra qase.Dvei 18.27-29
48Oqo na nodra i votavota na mataqali i Tani, kei na nodra vuvale kecega na veikoro lelevu kei na kena veikoro lalai.
Wasewase ni Vanua i Josua49Ia ni votai oti na i votavota ni vanua me nodra na veimataqali era a qai lomasoli na Isireli me votai e dua na i votavota ni vanua vei Josua na luve i Nuni.
50Ena i vakaro i Jiova, era a solia kina vua na koro ga e vinakata, sa solia vua o Timinaci-sera ena veidelana ni vanua vaka-Ifereimi, sa vakavinakataka na koro o ya ka tiko kina.
51Oqo na veivotavota ni vanua e rau a vota na bete levu o Iliesa kei Josua na luve i Nuni kei na turaga ni mataqali nodra yavusa na Isireli ka wasei ena vakawiri madigi e Sailo ena mata i Jiova, ena matamata ni Vale ni Veitavaki. Era a vakaotia e kea na votai ni vanua.
Who We AreWhat We EelieveWhat We Do
2025 by iamachristian.org,Inc All rights reserved.
