1Sa dua dina na yalewa vinaka o iko!
E totoka vakaoti na yavamu ni vakaivava.
Na dibimu sa vaka na vatu talei,
Na cakacaka ni ligana na matai vuku.
2Na nomu vicovico sa vaka na bilo mokimokiti
Sa sega ni yali kina na waini.
Na ketemu sa vaka na i binibini witi
Sa wavolita na loga ni viavia.
3Na sucumu ruarua sa vaka e rua na luve ni dia,
Ka vaka e rua na kaseli.
4Na domomu sa vaka e dua na vale cere-i-cake sa buli ena ivori.
Na matamu sa vaka na drano mai Episoni
Sa koto ravita na matamata kei Pacirapini.
Na ucumu sa vaka na vale vakarewa i cake mai Lepanoni,
Ka sa rai baleti Tamasiko.
5Sa laveti cake na ulumu me vaka na ulunivanua o Kameli.
Kei na drauniulumu sa taliva me vaka na i sulu silika;
Ka sa vesuka na tui na kena rairai vinaka.
6O sa matavinaka dina, ka rekitaki;
Ka sa taucoko na talei ni nomu dodomo.
7O sa wadrovu me vaka na vuni niusawa,
Kei na sucumu sa vaka na kumukumuni ni vuana.
8Au na kabata na vuni niusawa
Ka tauca na vuana.
Sa vaka na i soso qerepi vei au na sucumu,
Na nomu i cegu sa vaka na i boi ni apolo,
9Kei na gusumu sa vaka na waini sa vinaka sara.
Na YalewaLaiva na waini me drodro yani
Vua na noqu daudomoni,
Ka sa vuabale e tebenigusuna kei na batina.
10Au sa nei koya ka'u sa domona,
Ka sa gadrevi au o koya.
11Lako mai noqu daulomani,
Daru mai gole ki na loma ni vanua
Ka la'ki moce ena veikoro.
12Me daru sou vakamataka ki na veiloganivaini
Ka raica se sa kadre na vaini,
Se sa kubu na se ni vaini vou
Se sa seraki na pomekaraneti.
E kea au na solia kina vei iko na noqu dodomo.
13Sa kuvuraka mai na i boi
Na i boi ni kau ni veivakamoceri,
Kei na veivuanikau totoka
Sa volekata na nodaru katuba,
Na kena ka vovou kei na ka makawa,
Au sa maroroya me nomu noqu daulomani.
Who We AreWhat We EelieveWhat We Do
2025 by iamachristian.org,Inc All rights reserved.
