1 VEIGAUNA 8 - Ai Vola Tabu Ena Vakavakadewa Vou（FNV）

Na Kawa i Penijamini

1E ratou lewe lima na luve i Penijamini tagane. Ni tuvai vakayabaki ni bula, sa vakaoqo na kena veitarataravi: o Bela, o Asipeli, o Ara,

2o Noa kei Rafa.

3O ira na kawa i Bela o Eta, o Kira, o Epaiute,

4o Episua, o Neamani, o Aoa,

5o Kira, o Sifufani kei Urami.

6Oqo o iratou na kawa i Eute ka ratou a nodra qase ni veivuvale era a tiko mai Kipa, ka ra a qai tokitaki tani vakaukauwa ka ra la'ki tiko mai Maneaca:

7o Nemani, o Eaija kei Kira. A liutaki ira ena nodra toki oqo o Kira, na tama i Usai vata kei Eiute.

8A sa sucu eso na luve i Seereimi ni sa oti na nona biuti rau na watina o Usimi kei Peara.

9A vakawati tale kei Otesi ena vanua o Moapi ka lewe vitu na luvedrau tagane: o Jopapa, o Sipia, o Mesa, o Malikami,

10o Jiusa, o Sakia kei Miriama. O ira kece na luvena tagane era a qase ni veivuvale.

11A sa lewe rua na luvena tagane o Seereimi vua na watina o Usimi: o Epitupi vata kei Elipeali.

12E ratou lewe tolu na luve i Elipeali tagane: o Iperi, o Misami, kei Semeti. O Semeti oqo ka a tara na koro levu o Ono, na koro o Lota kei na veikoro e volekata.

O Ira na Penijamini e Kaca kei Eijaloni

13Oi rau o Peria kei Sema e rau nodra qase na veimatavuvale ka ra tiko ena koro o Eijaloni, ka a vakasevi ira tani na tamata era tiko mai Kaca.

14Na kawa i Peria oqo: o Eio, o Sasaki, o Jiremoci,

15o Sepataia, o Arati, o Eteri,

16o Maikeli, o Isipa kei Joa.

O Ira na Penijamini e Jerusalemi

17Na kawa i Elipeli e okati talega kina o Sepataia, o Mesulame, o Isiki, o Eperi,

18o Isimeli, o Isilaia kei Jopapa.

19Na kawa i Simeli e okati kina o Jakimi, o Sikiri, o Sapiti,

20o Elienai, o Silicei, o Ilieli,

21o Ataia, o Piraia kei Simiraca.

22Na kawa i Sasaki era okati kina o ira oqo, o Isipani, o Iperi, o Ilieli,

23o Apitoni, o Sikiri, o Anani,

24o Enanaia, o Ilama, o Anicocija,

25o Ifitaia kei Penueli.

26Na kawa i Jiroame e okati kina o Samisirei, o Siaraia, o Acalaia,

27o Jerisaia, o Ilaijia kei Sikiri.

28O ira oqo na nodra ulumatua na qase ni veivale kei ira na nodra kawa era sa tiko mai Jerusalemi.

O Ira na Penijamini e Kipioni kei Jerusalemi

29A sa tauyavutaka o Jieli na koro levu o Kipioni ka tiko kina. Na yaca i watina o Meka,

30ka nona ulumatua tagane o Apitoni. O ira na luve i Jieli tagane tale eso: o Suri, o Kisi, o Peali, o Neri, o Netapi,

31o Kitori, o Eio, o Sekeri

32kei Mikiloci na tama i Semea. Era tiko ga mai Jerusalemi na nodra kawa volekati ira na veimatavuvale ni nodra mataqali.

Na Vuvale i Saula na Tui

33Sa yaco o Neri me tama i Kisi; ka sa yaco o Kisi me tama i Saula. E ratou lewe va na luve i Saula tagane: o Jonacani, o Malikisua, o Apinatapi kei Esipeali.

34O Jonacani sa yaco me tama i Meribali, ka sa yaco o Meribali me tama i Maika.

35E ratou sa lewe va na luve i Maika tagane: o Piconi, o Meleki, o Tarea vata kei Easi.

36O Easi e tama i Jioiata ka ratou lewe tolu na luve i Jioiata tagane: o Alemeci, o Asimavece kei Simirai. O Simirai e tama i Mosa,

37o Mosa e tama i Pinia, o Pinia e tama i Rafa, o Rafa e tama i Eleasa kei Eleasa e tama i Aseli.

38E ratou sa lewe ono na luve i Aseli tagane: o Asirikame, o Pokiru, o Isimeli, o Siaraia, o Opetaia vata kei Anani.

39E ratou sa lewe tolu na luve i Eaki tagane na taci Aseli: o Ulami, o Jiusa vata kei Ilifeleti.

40O iratou na luve i Ulami e ratou sotia yaloqaqa ka matai sara ena vanataki dakaititi. Era sa lewe 150 taucoko na luvena kei na makubuna tagane. O ira kece ka volai oqo era sa lewe ni mataqali o Penijamini.