1Oqo e dua na i tukutuku baleta na Buca ni Raivotu.
Tukuna mada mai na cava sa yaco?
A cava era sa lako cake kece kina na tamata,
Ki na veidelavuvu ni vale?
2Sa yavala na loma ni koro taucoko,
Ka levu na maue kei na marau.
O ira na nomu tamata era sa mate,
Ia era sa sega ga ni mate ena i valu.
3O ira kece na nomu turaga era sa dro vata yani
Ia era sa vesu ni ra bera ni vanataka e dua na gasau.
O ira kece era kune era sa vesu,
Dina ga ni ra dro sara vakayawa.
4Ia au sa qai kaya:
Ni laivi au mada me'u tu taudua,
Ka me'u tagi vakalevu sara.
Ni kakua ni via vakacegui au,
Ni sa rui levu na noqu tamata era sa mate.
5Sa i koya oqo na siga ni rarawa,
Na druka kei na veilecayaki ena Buca ni Raivotu,
Ka sa tala mai na ka oqo vei keda ko Jiova ni lewevuqa.
Sa vorolaki sobu na nodra bai ni koro,
Ka voqa na tagi ni kere veivuke ena veimama ni veidelana.
6Era vodo ose kei na kareti mai na sotia ni Ilama,
Ka vakaiyaragi ena dakaititi kei na kena gasau.
Ia sa vakarau tu na nodra i sasabai na sotia mai Kiri.
7Sa robota na veibuca bulabula e Juta na kareti
Ka ra sa la'ki tu na sotia vodo ose ena matamata kei Jerusalemi.
8Sa kakavorovoro na bai kecega kei Jerusalemi.
Ena siga o ya o ni na la'ki vaqara na i yaragi
Ena vale mai na veikau.
9O ni sa raica na levu ni vanua sa ca ena koro
I Tevita, o ni sa qai vakavinakataka ka tawana kina na wai mai na tobu e ra.
10O ni sa qai wilika na veivale e Jerusalemi, o ni sa qai
Basuka sobu, eso me vakavinakataki.
11O ni sa qai cakava e dua na tobu ni maroroi wai.
Ia o ni sa sega ni gole vua na Kalou
O koya sa nakita makawa sara na ka kece oqo,
Ka vakavuna talega me yaco.
12Ena siga o ya sa na kacivi kemuni ko Jiova,
Mo ni tagi ka vakaloloku,
Mo ni toroya na ulumuni ka vakaisulu ena taga.
13 1Kori 15.32 Ia o ni sa qai marau ka reki,
Ka vakamatea na bulumakau kei na sipi,
Ni kana lewe ni manumanu ka gunu waini, ni o ni sa kaya,
“Me da kana ka gunu,
Baleta ni mataka eda sa na mate.”
14Sa vosa vei au ko Jiova ni lewevuqa ka kaya,
“Au sa kaya vakaoqo,
Ena sega sara ni vosoti na i valavala ca oqo
Me yacova ni o ni sa mate.”
Ai Vakasala vei Sebina15A sa kaya vei au ko Jiova ni lewevuqa me'u lako vei Sebina na turaga sa lewa tiko na veika e baleta na valenitui ka kaya vua,
16O cei o iko? Na dodonu cava e tu vei iko mo taya kina e dua na kemu i bulubulu ena yasa ni delana veivatu?
17O sa rairai dokai beka, ia ena tauri iko cake ko Jiova ka viritaki iko tani.
18O na muloci mo yaco mo vaka na polo, ka na qai kolotaki iko ki na dua na vanua levu cake. O na la'ki mate e kea ena ruku ni kareti o a dokadokataka tiko. O iko o sa vu ni veivakamaduataki ena nona vale na nomu turaga.
19Ena vakasivoi iko na Turaga ka na kauti iko tani mai na nomu i tutu dokai.”
20A sa kaya na Turaga vei Sebina, “Ni sa na yaco na ka o ya, au sa na qai talatala yani vei Eliakimi na noqu tamata, na luve i Ilikaia.
21Au na vakatokara vua na nomu i ubi balavu kei na beleti ka solia vua na kaukauwa taucoko ni nomu i tutu. Ena yaco o koya me vaka e dua na tama vei ira na lewe i Jerusalemi kei Juta.
22Vtaki 3.7Au na biuta ki tabana na ki ni vale i Tevita. Ena dolava ka na sega ni dua me sogota, ena sogota, ka na sega ni dua me na dolava.
23Au na vakataudeitaki koya me vaka e dua na i vako ena tikina sa tudei sara, ka na i vurevure ni lagilagi ki na nona vuvale taucoko.
24A sa kaya ko Jiova, “Era sa vakararavi kece vua na vuvale i tamana. Era na rube kece vua me vaka na kuro, na bilo, era rube ena dua na i vako.
25Ia ena siga sa na yaco kina na ka o ya, ena qai luluqa mai na i vako dei o ya ka lutu. Sa i koya sara talega o ya na i cavacava ni veika kece era rube tiko kina.
Who We AreWhat We EelieveWhat We Do
2025 by iamachristian.org,Inc All rights reserved.
