1O iko na yalewa totoka duadua,
Sa lako beka evei o koya o sa domona?
Tukuna mai na vanua sa gole kina,
Me keitou vukei iko mo kunei koya.
Na Yalewa2O noqu daulomani sa lako sobu ki na nona i teitei,
Ki na veiloga ni kau boi vinaka.
Sa vakani ira tiko na nona sipi ena i teitei
Ka kumukumuna mai na viavia.
3O noqu daulomani sa noqu, au sa nona oi au;
Sa vakani ira na nona sipi e loma ni viavia.
Ai Kalima ni SereNa Tagane4Noqu daulomani, o sa rui mata vinaka me vakataki Jerusalemi,
Ka totoka me vaka na koro levu o Tirisa,
Ka cecere me vaka na mataivalu sa vakadrotini.
5Vagolea tani mai vei au na matamu,
Ni sa rui vakaleqai au!
Na drauniulumu sa vaka na qele ni me
Era sa siro sobu mai Kiliati.
6Na batimu sa vulavula me vaka na qele ni sipi yalewa
Sa cabe mai na i silisili.
Sa tiko yadua na kedra i sa ni drua;
Ka sega ni tu duadua e dua vei ira.
7Na balumu sa ramase mai na daku ni ubi ni matamu.
8Laivi koya na tui me lewe onosagavulu na nona ranadi,
Ka lewe walusagavulu na watina lalai,
Kei na goneyalewa sa tawa wiliki rawa!
9Ia au sa domona e dua bauga,
Sa rui talei me vaka na ruve.
O koya e luvei tinana yalewa duadua,
Ka gone ni toko i tinana.
Era sa raici koya na yalewa kecega ka vakasakiti koya;
Sa vakacaucautaki koya talega o ira na ranadi kei na watina lalai.
10O cei oqo sa vaka na kida ni mataka na kena i rairai?
Sa rairai totoka o koya ka sa serau,
Sa talei sara me vaka na siga se na vula.
11Au a lako sobu ki na veiloga ni amodi
Me'u sarava na cadra ni kau sa teivaki ena buca,
Me'u raica se sa basika na draudrau vou ni veivaini,
Se sa bulabula vinaka na pomekaraneti.
12Ia au sa kurabui; ni o sa vakavuna me basika ki lomaqu na yalo ni gagadre
Me vaka na draiva ni qiqinivalu sa vakarau la'ki veiraravui.
Ira na Yalewa13Mo lesu mai, mo lesu mai, o iko na goneyalewa ni Sulamaiti,
Mo lesu mai, mo lesu mai, me keitou raici iko ni o meke!
Na YalewaA cava na vuna dou via raica kina na yalewa ni Sulamaiti
Ni sa meke e matadra na sarasara?
Who We AreWhat We EelieveWhat We Do
2025 by iamachristian.org,Inc All rights reserved.
