1A qai kaya vei Jope ko Jiova,
2I Jope, o iko a bolea na Kalou Kaukauwa;
O sa na qai soro beka ena gauna oqo?
Se mo sa saumi taro mai?
Na Vosa i Jope Vua na Kalou3A qai sauma o Jope ka vaka,
4Kemuni Jiova, au a vosa tu ga vakalialia.
A taro cava au na bau sauma rawa?
Au sa na sega ni via tovolea me'u tukuna tale e dua na ka.
5Na ka au sa tukuna oti e sa rui sivia sara ga.
Na Bolebole ni Kalou vei Jope6Mai na loma ni covulaca, sa qai vosa tale mai kina ko Jiova vei Jope,
7Tucake mada me vaka e dua na tagane
Ka sauma mai na noqu taro.
8O iko beka o tovolea tiko mo vakadinadinataka
Ni'u Kalou sega ni dodonu
9O tamata kaukauwa sara beka me vakataki au?
E rawa beka ni vakuru vakadomoilevu na domomu me vaka na domoqu?
10Kevaka e vakakina, ia mo tucake tu mada ena nomu sakitaki iko;
Ka vakasulumi iko ena lagilagi kei na vakarokoroko.
11Raici ira mada na tamata viavialevu;
Talaucaka vei ira na nomu cudru ka vakamaduataki ira.
12Io, mo vakawadravi ira ka toroi ira sobu ki ra;
Vorolaki ira na tamata ca ena vanua era dui tu kina.
13Buluti ira kece ki na qele;
Ka vesuki ira tu ena nodra vuravura na mate.
14Au sa na qai kena i sevu
Me'u vakacaucautaki iko;
Ka vakadinadinataka sara
Ni o sa rawata ga vakai iko na qaqa.
15Raica mada na manumanu levu na Behemoci;
Au a buli koya, ka'u a buli iko talega.
E dau kana co o koya me vaka na bulumakau,
16ia sa dua na ka na kaukauwa ni cegu ka tiko vua,
Ka sa dua na ka na kaukauwa ka tiko ena yagona!
17E duri dodonu tu na buina me vaka e dua na sitari,
Ka ra sa biriwakakau dina na viciko ni yavana.
18Na kaukauwa ni suina e vaka na kaukauwa ni parasa
Ia na yavadra era vaka na duru kaukamea.
19Na i bulibuli kurabuitaki duadua vei ira na noqu i bulibuli!
Na nona Dauveibuli duadua ga ena rawa ni rawai koya.
20Sa dau la'ki kau mai na co me mai kena
Mai na veiulunivanua era dau kakana kina na manumanu kila.
21Sa dau davo koto o koya ena ruku ni veikau vakavotona,
Ka dau vuni koto ena veikuta ena veivanua lolobo.
22Sa dau vakaruru tu ena rugurugua ni veivunikau vakavotona
Kei na veiwilou ena bati ni uciwai.
23E sega ni bau rerevaka o koya na uciwai kui vakaukauwa,
Ka dau vakawelewele ga ni sa robaka mai na matana na wai.
24O cei beka e rawa ni bokoca na matana ka me qai toboka?
Se o cei ena tudaitaka rawa na ucuna balavu ena dua na dai?
Who We AreWhat We EelieveWhat We Do
2025 by iamachristian.org,Inc All rights reserved.
