1 VEIGAUNA 24 - Ai Vola Tabu Ena Vakavakadewa Vou（FNV）

Na Nodra i Lesilesi na Bete

1Ia oqo o ira na i lawalawa era okati ena kawa i Eroni. E ratou sa lewe va na luve i Eroni tagane: o Netapi, kei Epaiu, kei Iliesa, vata kei Icama.

2E rau a mate e liu o Netapi kei Epaiu ni se bula tikoga o tamadrau, ka sa sega na nodrau kawa. E rau sa mani bete ruarua kina o Iliesa kei Icama.Vsoro 10.1-2

3A sa wasewasei ira na kawa i Eroni o Tevita na tui me vaka na nodra i tavi me ra vakayacora. A vukei koya ena ka oqo o rau o Setoki, e dua na kawa i Iliesa, vata kei Eimeleki, e dua na kawa i Icama.

4A wasei me 16 taucoko na kedra i wasewase na kawa i Iliesa, ka wasei me walu taucoko na kedra i wasewase na kawa i Icama; ka sa vakayacori oqo baleta ni sa levu cake na qase ni vuvale tagane ena kawa i Iliesa.

5Ia me vaka ni ra tiko na i vakalesilesi ni vale tabu kei ira na qase ni lotu ena nodrau kawa ruarua o Iliesa kei Icama, a sa ia na vakawiri madigi me digitaki kina na nodra i tavi me ra qarava.

6A sa tiko na nodrau dui gauna na kawa i Iliesa kei Icama me rau qarava na vakawiri madigi. Ni oti o ya, sa qai vola na yacadra o Semaia na luvena tagane o Nacanieli na Livai, e dua vei ira na vunivola. Era a qai kena i vakadinadina o koya na tui, kei ira na nona vakailesilesi, kei Setoki na bete, kei Eiimeleki na luve i Epaiaca tagane, vata kei na nodra qase na kawa vakabete kei na luve i Livai.

7Sa i koya oqo na veitaravi ni wasei ni cakacaka ki na vuvale e lewe 24. Na i matai ni madigi sa dusi Jioiaripi,

na kena i karua o Jetaia,

8na kena i katolu o Erimi,

na i kava o Siorimi,

9na kena i kalima o Malikaia,

na i kaono o Maijamini,

10na kena i kavitu o Akosi,

na i kawalu o Apaijia,

11na kena i kaciwa o Jesua,

na i katini o Sekonaia,

12na kena i ka 11 o Ilaiasipi,

na i ka 12 o Jakimi,

13na kena i ka 13 o Upa,

na i ka 14 o Jisepapi,

14na kena i ka 15 o Pilika,

na i ka 16 o Imeri,

15na kena i ka 17 o Esiri,

na i ka 18 o Episesi,

16na kena i ka 19 o Peceaia,

na i ka 20 o Jesikeli,

17na kena i ka 21 o Jakini,

na i ka 22 o Kamuli,

18na kena i ka 23 o Tilaia, ka sa kena i ka 24 o Measia.

19O ira na cavuti oqo a vakacurumi na yacadra ena i vola me vaka na nodra dui i lesilesi ni lako ki na vale tabu ka la'ki vakayacora na veitavi ka ra a tekivutaka na nodra i tubutubu o Eroni me muria tiko na i vakaro i Jiova na Kalou ni Isireli.

O Ira na Livai

20Oqo na veituraga tale eso ni veivuvale ka ra kawa mai vei Livai: o Jeteia, e dua na kawa i Emirami ka luve i Supaeli.

21O Isaia e dua na kawa i Riapaia;

22O Jeaci, e dua na kawa i Isari na luve i Silomeci;

23O ira na kawa i Epironi, me vaka na veitarataravi ni nodra i tutu: o Jiraia, o Amaraia, o Jesieli, kei Jikamiami;

24O Simiri e dua na kawa i Usieli me yaco yani vei Maika:

25O Sakaraia e dua na kawa i Usieli me yaco yani vei Isaia, na taci Maika;

26O ira na kawa i Mirari: o Mali, o Musi, kei Jesaia.

27E ratou lewe tolu na luve i Jesaia tagane: o Soami, o Sakuri, kei Ipiri.

28E rau lewe rua na luve i Mali tagane: o Iliesa kei Kisi. Ia a sega ni vakaluveni o Iliesa,

29o Kisi a duabau ga na luvena tagane, o Jiramieli.

30E ratou lewe tolu na luve i Musi tagane: o Mali, kei Iteri, vata kei Jerimoci.

Oqo o ira nodra lewe ni vuvale na Livai.

31Era a dau vakawiri madigi na qase ni veivuvale yadua vata kei na dua vei ira na tacidra me baleta na macala ni nodra i lesilesi ena vale tabu, me vaka sara ga era a dau vakayacora na wekadra, o ya o ira na bete eso ka ra kawa mai vei Eroni. Era sa vakadinata oqo o iratou o Tevita na tui, kei Setoki, kei Eimeleki, vata kei ira na i liuliu ni veivuvale vakabete ka vakakina o ira na Livai.