1Au sa curu ki na noqu i teitei,
Na noqu daulomani, na watiqu.
Au sa kumuna vata na noqu mura kei na kau boi vinaka;
Au sa kania vata na kequ qa ni oni kei na oni;
Au sa gunuva na mequ waini kei na sucu.
Na VeitokaniMo dou kana, na veitokani, ka gunu;
Me yacova ni dou sa mateni ena dodomo!
Ai Kava ni SereNa Yalewa2Au a moce koto, ia sa yadra tu ga na lomaqu.
Rogoca! sa tukituki tiko o noqu daudomoni:
Na TaganeDolava na katuba me'u curu yani, i noqu daulomani,
Na noqu ka talei, na noqu ruve.
Sa suasua na uluqu ena tegu,
Kei na drau ni uluqu ena tegu ni bogi.
Yalewa3Au sa luvata tani na noqu kote balavu;
Se cava na vuna me'u daramaka tale kina?
Au sa vuya oti na yavaqu,
Se cava na vuna me'u vakadukara tale kina?
4Sa daramaka na noqu daudomoni na ligana ki na katuba,
Ka sa malaude na yaloqu mai loma ni sa voleka mai.
5Au a sa tu vakarau me'u vakacurumi koya mai.
Sa robota na ligaqu na mura,
Ka titiri na mura mai na noqu i qaqalo,
Ena noqu a kukube ki na i tautauri ni katuba.
6Au a qai dolava na katuba vua na noqu daudomoni,
Ia sa lesu tale o koya, ka sa yali yani.
Sa bibi na yaloqu me'u rogoca na domona!
Au a vaqarai koya, ia ka'u a sega ni kunea;
Au a kacivi koya, ia sa sega ni rogo mai vei au.
7Era a raici au na matayadra
Ni ra yadrava wavokita voli na koro levu;
Era a mokuti au, ka vakamavoataki au;
Era a kauta tani na noqu i ubi na i vakatawa ni bainikoro.
8Mo ni yalataka mada vei au, na goneyalewa ni Jerusalemi,
Ni kevaka o ni kunei koya na noqu daudomoni,
Mo ni tukuna vua oqo:
Sa mateci au na noqu dodomo.
Na Veitokani kei na Yalewa9Kemudou na yalewa mata vinaka,
Sa duatani li na nomudou daudomoni mai vei ira tale eso?
A cava na ka e uasivi cake kina o koya
Me rawa kina ni keitou solia vei kemudou na neitou vosa ni yalayala?
Na Yalewa10E turaga musudonu ka kaukauwa o noqu daudomoni;
Ka sa duatani sara mai vei ira na le 10,000.
11Na uluna sa vaka na koula dina;
Na drau-ni-uluna sa sorokidikidi
Ka roka loaloa me vaka na reveni.
12Na yaloka ni matana sa vaka na ruve
Ena bati ni wai tovure,
Sa vui ena sucu,
Ka tuvai vakamaqosa vaka na vatu talei.
13Na baluna sa vaka na loga ni kau boi vinaka,
Sa kuvuraka mai na i boi totoka.
Na tebenigusuna sa vaka na viavia,
Sa vakasuasuataki ena mura.
14Sa bulicaki vinaka na ligana,
Ka daramaka na mama sa ukucavutaki ena vatu talei.
Na yagona sa vaka e dua na ivori yagoyago vinaka
Sa ukutaki ena sefaia.
15Na yavana sa vaka na duru alapasita
Sa vakatikori ena i tutu koula dina.
Sa cecere sara o koya, me vaka na veiulunivanua mai Lepanoni
Kei na kena veiloga ni sitari balabalavu.
16E kamikamica na gusuna ni reguci;
Ka vakasakiti vei au na veika kece e baleti koya.
Sa i koya oqo na noqu daudomoni, o koya na noqu i tokani,
Oi kemudou na goneyalewa ni Jerusalemi.
Who We AreWhat We EelieveWhat We Do
2025 by iamachristian.org,Inc All rights reserved.
