1Me rogoca ko Jiova na nomu masu ena gauna ni leqa!
Me taqomaki iko na Kalou i Jekope.
2Me solia mai vei iko o koya na nona veivuke mai na nona vale tabu,
Ka solia mai na nona veitokoni mai Saioni.
3Me vakadonuya kece o koya na nomu i solisoli,
Ka taleitaka kece na nomu i soro.
4Me solia kece vei iko na ka o gadreva,
Ka cakava me rawa kece na nomu i naki.
5Keimami na qai kailavaka vakakina
na nomu qaqa ena marau,
Ka marautaka na nomu qaqa ena vakacaucautaka na Kalou.
Me rogoca ko Jiova na nomu kerekere kecega.
6Au sa qai kila oqo ni sa solia ko Jiova
na qaqa vua na nomu tui digitaki;
Sa rogoci koya mai ena nona lomalagi tabu
Ka solia vua na qaqa ena nona kaukauwa levu.
7Eso era sa vakanuinui ki na nodra qiqi ni valu,
Ka so tale era vakararavi ki na nodra ose,
Ia, keimami sa vakararavi ga
ki na kaukauwa i Jiova na neimami Kalou.
8Era na tarabe ka bale,
Ia, eda sa tucake ga ena lomadei oi keda.
9Kemuni Jiova, ni solia na qaqa vua na tui;
Ena rogoci keimami na tui ni keimami sa kaci yani vua.
Who We AreWhat We EelieveWhat We Do
2025 by iamachristian.org,Inc All rights reserved.
