1Eda a qai gole tani mai kea ka lako yani ki na vanua lala ena sala sa gole vaka ki na Wasa Damudamu me vaka sa vakarota vei keda ko Jiova, ka la'ki tiko voli ena veidelana mai Sia ena dua na gauna balavu.
2A sa qai kaya vei au ko Jiova,
3“Sa rui balavu na gauna eda tiko voli kina ena vanua veidelana o ya, ka dodonu me da sa lako cake vaka ki na vualiku,
4a tukuna vei au me'u tukuna vei kemuni na veivakaro oqo: ‘O ni sa vakarau lakova yani oqo na nodra vanua na wekamuni, o ira na kawa nei Iso era tiko ena vanua veidelana o Sia. Era na rerevaki kemuni,
10(E dua na yavusa tuwawa ka kaukauwa era vakatokai na Emimi, era a tiko e liu mai Ari. Era tamata balabalavu me vakataki ira na Anakimi, e dua talega na yavusa tuwawa.
11Era vakataki ira na Anakimi; era vakatokai talega me ra Refaimi, ia era vakatokai ira o ira na kai Moapi me ra Emimi.
12Era a vakaitikotiko taumada mai Itomi na kawa i Ori, ia era a qai vakasavi tani mai kea mai vei ira na kawa i Iso, ka ra vakarusa na nodra matanitu, ka tawana na nodra vanua, me vakataki ira ga na Isireli ena nodra a qai vakasavi ira tani na kedra meca mai na nodra vanua ena dua na gauna e muri, ka tikora me vaka sa solia vei ira ko Jiova.)
13“Eda a qai qalokosova yani na uciwai o Sereti me vaka sa vakarota vei keda ko Jiova.”
14A yaco oqo ni sa oti e 38 na yabaki ena noda biuta mai na vanua o Katesi Banea. O ira kece na tamata ni vala ka bula ena i tabatamata o ya era a mate kece sara, me vaka sa yalataka ko Jiova.
20(E kilai tale tu ga na vanua oqo me vanua i Refaimi, o ira na a tiko e liu e kea; ia o ira na luve i Amoni era vakatokai ira na Samisumi.
21Era lewe levu ka kaukauwa, ka tamata balabalavu me vakataki ira na Anakimi. A qai vakarusai ira ko Jiova e matadra na luve i Amoni, sa qai curu yani ka vakasavi ira ka tiko e kea me ra kedra i sosomi.
22Na ka talega oqo sa vakayacora ko Jiova ena vukudra na kai Sia, o ira na kawa i Iso era tiko ena veidelana kei Itomi. A vakarusai ira na kai Ori me ra taura na nodra vanua o ira na kai Itomi ka tiko kina me yacova na siga edaidai.
23Era sa mai vakaitikotiko o ira era gole mai na yanuyanu o Kiriti ena vanua vaka ki na baravi ni Meditereni. Era a valuti ira na kai Arimi, o ira na i taukei dina ni vanua, ka ra taukena na nodra vanua taucoko sara me yaco sara ki na ceva ni koro o Qasa.)
24“Ni lako yani oqo ka takosova na uciwai o Arinoni. Raica, au sa soli Sioni na Amoraiti ka tui Esiponi ki na ligamuni, ka vakakina na nona vanua. Mo tekivu taura na nona vanua ena nomuni sa valuti koya.
25Me tekivu edaidai ka lako yani, au na vakavuna me ra domobula ka rerevaki kemuni na tamata kece ena ruku i lomalagi. Era na sautaninini ena rere ka kani yatedra ni ra rogoca na kemuni i tukutuku.”
Vakadrukai Tui Sioni o Ira na Isireli(Tiko 21.21-30)26Ia au a qai tala yani eso na mata mai na vanua lala o Kitemoci vei Sioni na tui Esiponi me ratou kauta na i tukutuku ni veisaututaki oqo, ka kaya:
27“Ni laivi keimami mada me keimami lako kosova na nomuni vanua. Keimami na muria tikoga na gaunisala levu, ka na sega sara ni gole ki na i matau, se ki na i mawi.
28Keimami na sauma na kakana keimami kania kei na wai keimami gunuva. Na ka ga keimami vinakata o ya me keimami lako kosova na nomuni vanua,
29me yacova ni keimami sa qalo kosova na uciwai na Joritani me keimami lako yani ki na vanua sa solia vei keimami ko Jiova na neimami Kalou. Era a vakadonuya na kawa i Iso era tiko mai Sia e Itomi, kei ira na kai Moapi era tiko mai Ari me keimami lako kosova mai na nodra vanua.”
30Ia sa sega ga ni vakadonuya o Sioni na tui Esiponi me keimami takoso. Ko Jiova na nomuni Kalou sa vakaukauwataka na lomana me bese kina, ka sa rawa kina me da vakadrukai koya ka taura na nona vanua me yacova na siga edaidai.
31A qai kaya vei au ko Jiova, “Raica, au sa vakavuna me tawa yaga ena matamuni o Sioni kei na nona vanua; ni taura na nona vanua ka taukena.”
32A qai lako mai o Sioni na tui kei ira kece na nona tamata me ra vala kei keda volekata na koro o Jeasa,
33ia, a soli Sioni ko Jiova ki na noda kaukauwa, eda a qai vakamatei koya kei ira na luvena kei ira na nona tamata kecega.
34Ena gauna vata talega o ya, eda a vesuka ka vakarusa kina na koro kecega ka vakamatea na tagane, yalewa kei na gone. Eda a sega tale ni vakabula e dua na tamata.
35Eda a qai taura na nodra manumanu kei na i yau ena nodra veikoro.
36A solia vei keda ko Jiova na noda Kalou na koro kecega me tekivu mai Aroeri, ena bati ni bucabuca o Arinoni ka vakakina na veikoro kecega ena loma ni buca o ya me yaco sara ki Kiliati. A sega sara ni bau dua na bainikoro me cecere vei keda.
37Ia eda a sega ga ni toro voleka yani ki na nodra vanua na kawa i Amoni, se, ki na uciwai na Japoki, se, ki na veikoro, se, ki na vanua veidelana, se ki na dua tale na vanua ka vakarota ko Jiova na noda Kalou me da kakua ni lako kina.
Who We AreWhat We EelieveWhat We Do
2025 by iamachristian.org,Inc All rights reserved.
