2 VEIGAUNA 14 - Ai Vola Tabu Ena Vakavakadewa Vou（FNV）

Na Veiliutaki i Asa na Tui

1A sa mate ka bulu ena sau tabu mai na koro i Tevita o Apaijia na tui. A sa veisosomitaki ena veiliutaki vakatui o Asa na luvena, ka sa sautu na vanua ka yabaki tini ena nona gauna ni veiliutaki.

2A sa caka vinaka ka dodonu ena mata i Jiova na nona Kalou o Asa.

3A sa kauta tani o koya na i cabocabonisoro ni veikalou tani kei na kena vanua ni sokalou, ka vorolaka na kena duru vatu tabu, ka vakacacana na i vakatakarakara ni kalou yalewa o Asera.

4A sa vakaroti ira na Juta me ra golevi Jiova, na Kalou ni nodra qase, ka muria na nona lawa kei na i vakaro.

5E a kauta tani mai na veikorokoro kece e Juta na veicabocabonisoro kei na vanua ni sokalou ki na kalou tani. A sa sautu kina na matanitu ena ruku ni nona veiliutaki.

6E a tara e Juta eso na koro vakabai ena gauna e tiko sautu kina na vanua. A sega na i valu ena veiyabaki oqori, ni sa solia vua ko Jiova na vakacegu.

7A sa kaya kina vei ira na Juta, “Me da tara vakavinaka cake na veikoro oqo, ka viria na kena bai me vakavolivolita, kei na vale cecere ni yadra, kei na veimatamata ni koro, kei na kena bai lawalawa kaukamea. Sa tiko e ligada na lewa ni vanua oqo baleta ni da sa vakayacora na lewa i Jiova na noda Kalou. Sa taqomaki keda o Koya ka maroroi keda ena veiyasana kecega.” Era sa qai tara na veikoro ka rawa-ka vakalevu sara.

8A sa dua na mataivalu i Asa na tui, ka ra lewena e 300,000 na Juta era sa vakaiyaragi ena i sasabai kei na moto, kei na lewe 280,000 na Penijamini era sa vakaiyaragi ena i sasabai kei na dakaititi. O ira kece oqo era tamata yalo doudou ka ra sa vakavulici vinaka vakaivalu.

9A sa qai curuma vakaukauwa na vanua o Juta e dua na kai Eciopea na yacana o Sira, ka vakacibi i valu mai kei na nona mataivalu ka ra lewena e dua na milioni na tamata kei na 300 na qiqinivalu, ka ra curuma yani na vanua me yaco sara i Maresa.

10A sa lako yani o Asa me vala kaya, ka rau dui tuva na nodrau mataivalu ena Buca o Sifaca sa volekati Maresa.

11A sa masuti Jiova na nona Kalou o Asa, ka kaya, “Oi kemuni Jiova, sa sega sara na kena duidui vei kemuni mo ni vukei ira sa kaukauwa cake kei ira sa malumalumu. Mo ni vukei keimami mada mai oqo, kemuni Jiova na neimami Kalou, baleta ni keimami sa vakararavi vei kemuni, ka keimami sa lako mai ena yacamuni me keimami vala kei ira na lewe vuqa oqo. Oi kemuni Jiova, sai kemuni ga na neimami Kalou; sa sega ni dua na tamata me rawa ni vakamalumalumutaki kemuni.”

12A sa vakadrukai ira na kai Eciopea ko Jiova ena mata i Asa kei ira na Juta; era sa dro o ira na kai Eciopea.

13E a qai vakacemuri ira o Esa kei ira na nona tamata me la'ki yaco sara i Kira. A vakamatei e dua na i wiliwili levu ni kai Eciopea ka sega ni qai lamata cake rawa tale na nodra mataivalu. Era sa vakamalumalumutaki mai vei Jiova kei na nona mataivalu, ka ra a kauta lesu na Juta e levu sara na i tokinivalu.

14Era a qai ravuta ka vakarusa rawa na veikoro lelevu sa voliti Kira, baleta ni ra sa rerevaki Jiova na tamata era tiko kina. Era a veikoveyaka na i yau ni veikoro lelevu o ya ka sa ka levu sara na i tokinivalu era kauta lesu.

15Era a ravuti ira talega na nodra i tikotiko eso na i vakatawanisipi kei na manumanu tale eso, ka ra tokitaka yani vakayauyau na sipi kei na kameli. Era sa qai lesu tale ki Jerusalemi.