1Kemuni Jiova, ni kakua ni guilecavi Tevita,
Kei na cakacaka kecega sa cakava o koya.
2Ni nanuma, i Jiova, na veika sa yalataka o koya,
Kei na nona bubului vei kemuni, na Kalou Kaukauwa i Jekope:
3“Au na sega ni lako ki na noqu vale se la'ki davo ena i davodavo,
4Au na sega ni vakacegu se moce,
5Me yacova ni'u sa cakava e dua na vanua me nei Jiova,
E dua na i tikotiko me nona na Kalou Kaukauwa i Jekope.”
6Keimami a rogoca ni tiko na Kato ni Veiyalayalati mai Peceliema,
Ka kunea ena buca mai Jiari.
7Keimami a kaya, “Me da lako mada ki na vale i Jiova,
Me da la'ki ia na sokalou ena mata ni nona i tikotiko vakatui.”
8Ni lako mai, i Jiova, ki na nomuni vanua ni vakacegu,
Oi kemuni kei na nomuni Kato ni Veiyalayalati,
Na i vakatakilakila ni nomuni qaqa,
ka tiko vakadua ga e ke.
9Me ra kacivaka na bete ni o ni sa vakabulai ira na nomuni tamata,
Ka me ra kaila kece na nomuni tamata ena reki!
10O ni a cakava e dua na vosa ni yalayala vei Tevita
o koya na nomuni tamata,
Ni kakua ni biuta tani na tui o ni sa digitaka, i Jiova.
11O ni a bubului vei Tevita,
Ia, o ni na sega ga ni vakasuka lesu tale:
“Au na digitaka e dua vei ira na luvemu me tui,
Ena tui me na sosomitaki iko.
12Kevaka era na dina tiko na luvemu tagane ki na noqu veiyalayalati,
Kei na i vakaro au solia vei ira,
Era na muri iko talega na luvedra me ra tui ena veigauna kecega.”
13Sa digitaki Saioni ko Jiova;
Sa vinakata me cakava na nona i tikotiko e kea.
14“Au na tiko ena vanua oqo ka sega ni mudu;
Oqo na vanua au vinakata me'u tiko kina.
15Au na vakalougatataki Saioni ena ka kecega e vinakata,
Ka'u na vakamamautaki ira na lewena ena kakana.
16Au na tukuna vei ira na kena bete, me ra vunautaka ni sai au,
Au veivakabulai, ka ra na sere ka kaila na lewena ena marau.
17Au na lewa me tui e ke e dua na kawa i Tevita;
Au na maroroya e ke na nona veiliutaki na noqu tui digitaki.
18Au na vakaisulutaki ira na kena meca ena madua,
Ia na nona matanitu ena levu ka toro cake.”
Who We AreWhat We EelieveWhat We Do
2025 by iamachristian.org,Inc All rights reserved.
