1A sa yaco tale vei au na vosa i Jiova, ka vaka,
2“Ia o iko na luve ni tamata, o na vakataulewa li? Io o na vakataulewa ki na koro sa dave tu kina oqo na dra. Ia mo qai kacivaka vua na nona i valavala vakasisila kecega.
3Mo qai vaka, Sa kaya vakaoqo na Kalou ko Jiova: Na koro oqo sa dave na dra e lomana, ka sa yaco mai na nona siga, ka sa cakava oqo na veimatakau me vakadukadukalitaki koya kina!
4O sa yaco mo cala ena vuku ni dra o sa vakadavea, ka sa vakadukadukalitaki iko ena veimatakau o sa cakava; ia o na kauta voleka mai na nomu siga, sa yaco mai na gauna lokuci ni kemu yabaki yalataki. O koya oqo ka'u na solia vei iko mo vunauca na veimatanitu ka mo dredrevaki mai na veivanua kecega.
5Era na dredrevaki iko o ira sa voleka kei ira sa yawa mai vei iko, o iko na daurogorogo ca, ka dau vakatubu mauwe.
6Raica, o ira na turaga ni Isireli era sa dui tiko vei iko me vaka na ka era dui rawata, ka sa railasa tiko vei ira na vakadave dra.
7Era sa beci na tama kei na tina ka ra tiko vei iko; ka ra sa vakasaurarataki ira na nomu vulagi; ka ra sa vakacalai na yada kei ira na luveniyali, era sa tiko kei iko.
13“O koya oqo, raica, au sa tavia vata na ligaqu ena vuku ni nomu i yau ni kocokoco o sa rawata, ena vuku talega ni dra ka sa dave vei kemuni.
14Ena dei beka na lomamu, se na kaukauwa na ligamu, ena veisiga ka'u na cakava talega.
15Ia ka'u na vakasavi kemuni ki na veimatanitu, ka na dui biubiuti kemuni ki na veivanua, ia ka'u na vakaotia sara na nomuni dukadukali mai vei kemuni.
16Ia o ni na vakavelavelataki au e matadra na veimatanitu; ka o ni na qai kila ni sai au ko Jiova.”
17A yaco vei au na vosa i Jiova, ka vaka:
18“Luve ni tamata, sa yaco me ra de ni kaukamea vei au o ira na mataqali i Isireli; o ira kece sa siliva, parasa, tini, kaukamea, kei na uma e loma ni kuro ni buka; io era sa benu ni kaukamea.
19O koya oqo, sa kaya kina na Kalou ko Jiova: Ena vuku ni o ni yaco kecega mo ni benu ni kaukamea, raica, ka'u na soqoni kemuni kina ki na loma o Jerusalemi.
20Me vaka era kumuna vata o ira na tamata na siliva, na parasa, na kaukamea, na uma kei na tini ki na kuro ni buka, me irivaka kina na bukawaqa me vakawaicalataki;
21au sa na soqoni kemuni vata vakakina ena noqu cudru, ka'u na qai biuti kemuni kina ka vakawaicalataki kemuni e lomana.
22Me vaka sa vakawaicalataki na siliva ena kuro ni buka, o ni sa na vakawaicalataki talega vakakina e lomana, ia o ni na kila ni sai au ko Jiova ka sovaraka na noqu cudru vei kemuni.”
23A yaco mai vei au na vosa i Jiova, ka vaka,
24“Luve ni tamata, mo kaya vei koya, ‘Sa i iko e dua na vanua ka sa sega ni vakasavasavataki, se tauci uca ena siga ni cudru.
25O ira na turaga era tiko kina, era sa vaka na laione ka tagi voli ni dresulaka na kena; era sa kana tamata; era sa taura na i yau kei na ka talei; era sa vakalewevuqataka na kena yada.
26O ira na nona bete era sa vakacacana na noqu vunau, ka vakacacana na noqu veika tabu; era sa sega ni vakaduiduitaka na ka sa tabu kei na kena sa sega ni tabu, ka ra sega talega ni ra vakavuvulitaka na duidui ni tawa savasava kei na savasava, ka ra sa sega ni okata na noqu Siga ni Vakacecegu, ka'u sa vosavakacacataki.Vsoro 10.10
27O ira na kena turaga era sa vaka na olifa era sa dresulaka na kedra, ka vakadavea tiko na dra, ka ra vakamatea na bula me ra rawata vakatawadodonu na ka.
28Ia o ira na nona parofita era sa boroi ira ena i boro vulavula, ni ra sa raica na raivotu wale, ka ia na caka mana vakailasu vei ira ka vaka: Sa kaya vakaoqo na Kalou ko Jiova, ia e sega ni kaya vakakina o koya na Turaga.
29O ira na lewe ni vanua era sai valavala kaukauwa, ka ra na butako; era sa vakasosataki ira na dravudravua kei ira na leqa tu, ka vakasaurarataki ira vakatawadodonu na vulagi, ka sega ni vakadodonutaka.
30Ia ka'u sa qara e dua na tamata vei ira, o koya ka na viria na bai, ka me tu ena tiki ni bai sa basuki e mataqu ena vuku ni vanua, me'u kakua ni vakarusa; ia ka'u sa sega ni kunea e dua.
31O koya oqo, ka'u sa sovaraka kina vei ira na noqu cudru; ka'u na vakarusai ira ena bukawaqa ni noqu cudru; ka'u na sauma vei ira na nodra i valavala, sa kaya na Kalou ko Jiova.’ ”
Who We AreWhat We EelieveWhat We Do
2025 by iamachristian.org,Inc All rights reserved.
