MARIKA 4 - Ai Vola Tabu Ena Vakavakadewa Vou（FNV）

Na Vosa Vakatautauvata ni Daukabukaburaki(Maciu 13.1-9; Luke 8.4-8)

1A sa tekivu me veivakatavulici ko Jisu ena baravi mai Kalili. Era lewe vuqa sara era soqoni vata yani vua ka sa la'ki vodoka kina o koya e dua na waqa, ka la'ki dabe kina. Ia era a tu ga mai matasawa o ira na lewe vuqa.

Ni kevaka era sa kitaka vakakina, era na saumaki mai vua na Kalou,

Ka na vosoti ira o koya.’ ”

Sa Vakamacalataka ko Jisu na Vosa Vakatautauvata ni Daukabukaburaki(Maciu 13.18-23; Luke 8.11-15)

13Sa qai kaya tale vei ira ko Jisu, “O ni sega ni kila na vosa vakatautauvata oqo? O ni na qai kila vakacava na vosa vakatautauvata tale eso?

14Sa kaburaka na vosa ni Kalou na dauteitei.

15Eso na tamata era vaka na i tei ni kau ka kaburaki ena tutu ni sala; ni ra sa rogoca oti, sa qai lako sara mai o Setani ka kauta tani na vosa ka a kaburaki vei ira.

16E vakakina na kena ka ra kaburaki ena vanua veivatu, ni ra sa rogoca na vosa era sa vakabauta sara ena reki;

17ia me vaka ni sega na wakadra e lomadra, era mani tu dei vakalailai ga. Ia, ni sa qai tubu na rarawa se na veivakacacani ena vuku ni vosa, era sa tarabe sara.

18Eso tale ka kaburaki ena veiwavakavotona sai ira ka ra rogoca na vosa,

19ia sa qai curu yani na lomaocaoca ni vuravura oqo, na domona na i yau, kei na veimataqali gagadre tale e vuqa, ka vakaruguta na vosa ka sega kina ni vua.

20Ia na kena ka ra kaburaki ena qele vinaka, sai ira ka ra sa rogoca na vosa, ka vakabauta, ka ra la'ki vua sara; e tolusagavulu eso, ka onosagavulu eso, ka mani drau sara eso.”

Na Cina ena Ruku ni Bilo(Luke 8.16-18)

21Sa qai kaya tale vei ira ko Jisu, “E dua beka li sa dau kauta na cina ka ubia ena bilo se biuta ki na ruku ni mocemoce? E sega li ni dau la'ki biu ga ki na kena i tutu?Na Vosa Vakatautauvata ni Sore ni Musita(Maciu 13.31-32,34; Luke 13.18-19)

30Sa qai kaya tale ko Jisu, “Me da vakatautauvatataka mada kei na cava na matanitu ni Kalou, se na vosa vakatautauvata cava beka me vakamacalataki kina?

31Sa vaka e dua na sore ni musita, ni sa kaburaki e dela ni qele, sa ka lailai duadua vei ira na i tei ni kau kecega e vuravura;

32ia ni sa tubu cake ka yaco me ka levu duadua vei ira na kau lalai kecega, a sa yaco me lelevu sara na tabana ka ra sa vakaitikotiko kina na manumanu vuka ena kena rurugu.”

33Sa dau vosa vei ira o koya ena vuqa na vosa vakatautauvata vakaoqo, me vaka na ka e rawa ni ra kila.

34Sa dau vosa ga vei ira o koya ena vosa vakatautauvata, ia ni ratou sa tiko vakai iratou ga sa qai dau vakamacalataka vei iratou na nona tisaipeli na veika kecega.

Sa Vakamaravutaka na Cava ko Jisu(Maciu 8.23-27; Luke 8.22-25)

35Ena siga o ya ni sa yakavi mai, sa qai kaya vei iratou na nona tisaipeli ko Jisu, “Tou lako mada ki tai kadua.”

36E ratou sa qai laivi ira tu na lewe vuqa, ka ratou kauti koya sara ena waqa ga ka a tiko kina; era sa lako vata kei iratou eso tale na waqa.

37Sa qai tubu mai e dua na cagi ca levu sara ka sa seva na waqa na biau, ka sa tekivu kina me sinai mai na waqa ena wai.

38Ia sa tiko o koya ena mua i muri, ka moce koto ena i lokoloko. E ratou sa qai vakayadrata ka kaya vua, “Na i Vakavuvuli, o ni sega beka ni kauwaitaka ni datou sa voleka ni mate?”

39Sa qai tucake o koya ka vunauca na cagi, ka kaya, “Mo ruru mai!” ka kaya ki na ua ni wasawasa, “Mo maravu mai!” A sa ruru sara na cagi, ka mai lutu yani e dua na maravu levu.

40Sa qai kaya vei iratou, “A cava dou sa rere kina? E se segai tikoga vei kemudou na vakabauta?”

41Sa qai tuburi iratou e dua na rere levu, ka ratou sa veikayaka vakai iratou, “O cei beka na tamata oqo, ni sa talairawarawa vua na cagi kei na ua ni wasawasa?”