1Ni sa mataka mai, era sa qai bosei Jisu o ira kecega na bete levu kei ira na nodra qase na tamata, me ra vakamatea.
2Era sa qai vesuki koya ka kauti koya tani, ka soli koya vei Pailato, na kovana mai Roma.
Na Mate i Jutasa(Caka 1.18-19)3Ia o Jutasa, o koya ka bukiveretaki koya, ni sa raica ni sa lewai o koya me mate, sa qai veivutuni, ka vakasuka na tiki ni siliva e tolusagavulu vei ira na bete levu kei ira na qase,
25Era sa qai sauma mai o ira kecega na tamata ka ra kaya, “Laiva me baleti keimami kei ira na luve i keimami na nona mate!”
26Sa mani sereki Parapa kina vei ira o Pailato. Ia sa vakanakuitataki Jisu ga, ka sa qai soli koya yani me vakoti ki na kauveilatai.
Era Vakalialiai Jisu na Sotia(Mari 15.16-20; Joni 19.2-3)27Era sa qai kauti Jisu ki na loma ni bai ni kovana o ira na sotia ni kovana, ka vakasoqoni ira vata kina na matasotia taucoko.
28Era sa luvata tani na nona i sulu ka vakadarama vua e dua na i sulu vakatui roka damudamu.
29Era sa qai talia e dua na i sala wavakavotona ka tokara ki uluna, ka ciqira e ligana i matau e dua na gasau, ka ra tekiduru e matana, ka vakalialiai koya, ka kaya, “Me bula balavu na nodra Tui na Jiu!”
30Era sa qai kasiviti koya, ka taura mai na gasau ka mokulaka kina na uluna.
31Ni sa oti na nodra vakalialiai koya, era sa qai luvata laivi mai vua na i sulu vakatui roka damudamu, ka vakadarama lesu tale ki vua na nona i sulu ga, era sa qai kauti koya yani me ra vakoti koya ki na kauveilatai.
Sa Vakoti ki na Kauveilatai ko Jisu(Mari 15.21-32; Luke 23.26-43; Joni 19.17-27)32Ni ra sa lako yani, era sa sota kaya e dua na kai Kirini, o Saimoni na yacana; ka sa mani vakasaurarataki koya na sotia me colata na kauveilatai i Jisu.
33Ia ni ra sa yaco ki na vanua e vakatokai o Kolikoca (ka kena i balebale, na Vanua ni Qavokavoka),
34era sa qai solia vua me gunuva na waini e veiwaki tu kei na wai gaga; ia ni sa tovolea, a sa qai bese ni gunuva.
35Era sa qai vakoti koya ki na kauveilatai, ka ra vota na nona i sulu ena vakawirimadigi.
41E vaka talega kina o ira na bete levu kei ira na daunilawa kei ira na qase, era sa vakalialiai koya ka kaya,
42“E dau vakabulai ira na tani; e sega ga ni vakabulai koya rawa! Sa i koya na nodra Tui na Isireli! Me lako sobu mada mai na kauveilatai, ka da na qai vakabauti koya.
43Sa vakararavi tu o koya vua na Kalou; ia, me vakabulai koya sara mada oqo kevaka e vinakati koya; ni a kaya, ‘Oi au na Luve ni Kalou.’ ”
44E rau sa bau vosa vakacacataki koya talega oi rau na daubutako e rau vakoti vata kaya ki na kauveilatai.
Na Mate i Jisu(Mari 15.33-41; Luke 23.44-49; Joni 19.28-30)45Sa qai butobuto na vanua taucoko mai na sigalevu tutu ka yacova na tolu na kaloko ena yakavi.
46Ia ni rauta na tolu na kaloko ena yakavi, sa qai kaci ena domo levu ko Jisu, ka kaya, “Ilai, Ilai, lamasapakacani?” na kena i balebale, “Noqu Kalou, noqu Kalou, o ni sa biuti au ena vuku ni cava?”
47Era sa mani rogoca eso vei ira ka tu voleka, era sa kaya, “Sa kacivi Ilaijia tiko o koya!”
48Sa qai cici e dua vei ira ka taura e dua na vutovuto ka tonisua ena wai wiwi, ka viviga ki na dua na gasau, ka vagunuvi koya.
49Ia era sa kaya na kena vo, “Laiva mada me da raica se ena sobu mai o Ilaijia me vakabulai koya!”
50Sa qai kaci tale ena domo levu ko Jisu, ka solia yani na yalona.
51Ena gauna vata o ya, a sa kasei rua na i latilati ni Valenisoro, mai cake ka kauta ki ra, ka uneune na vanua, ka kakavidavida na veivatu lelevu;Lako 26.31-33
52a sa tadola mai na veibulubulu, ka vakaturi cake tale mai na mate e vuqa na tamata ni Kalou era sa mate tu.
53Era sa qai biuta na nodra i bulubulu; ia ni sa tucake tale mai na mate ko Jisu, era sa qai lako ki na koro tabu, ka ra sa raici ira e lewe levu na tamata.
54Ni sa raica na uneune kei na veika kecega sa yaco oqo o koya na turaganivalu kei iratou na sotia ka yadravi Jisu voli, a ratou sa rere vakalevu, ka kaya, “Sa i koya dina oqo na Luve ni Kalou!”
55Era sa lewe vuqa talega na yalewa e kea era sa rai tale tu ga mai vakayawa, o ira ka muri Jisu mai Kalili, ka dau qaravi koya,Luke 8.2,3
56ka maliwai ira o Meri na yalewa ni Makitala, kei Meri na tina i Jemesa kei Josefa, kei na wati i Sepeti.
Na Bulu i Jisu(Mari 15.42-47; Luke 23.50-56; Joni 19.38-42)57Ni sa yakavi, sa qai lako mai e dua na tamata vutuniyau mai Arimacea, o Josefa na yacana, ka sa bau yaco talega o koya me tisaipeli i Jisu.
58Sa lako vei Pailato, ka la'ki kerea na yago i Jisu. Sa qai vakarota o Pailato me soli vua na yagona.
59Sa qai kauta na yagona o Josefa ka solega ena dua na i sulu lineni savasava,
60ka vakotori koya ena i bulubulu vou ka a taya e loma ni vatu, ka qai vaqiqica yani e dua na vatu levu ki na katuba ni bulubulu, ka qai lako yani.
61E rau sa tiko kina o Meri na yalewa ni Makitala kei Meri ka dua, ka rau dabe donuya toka na i bulubulu.
Yadravi na Mata ni Bulubulu62Ena siga ka tarava, o ya na siga ni oti na Vakaraubuka, era sa qai soqoni vata vei Pailato o ira na bete levu kei ira na Farisi,
63ka ra kaya, “Turaga, keimami sa nanuma tiko ni a kaya na dauveivakacalai o ya ni a sa bula voli, ‘Ni oti ga e tolu na siga, au na tucake tale!’Maciu 16.21; 17.23; 20.19; Mari 8.31; 9.31; 10.33,34; Luke 9.22; 18.31-33
64Mo ni vakarota mada kina me yadravi matua sara na i bulubulu me yacova na i katolu ni siga, de ra lako mai na nona tisaipeli ka butakoci koya ka kaya vei ira na tamata, ‘Sa tucake tale mai na mate o koya.’ Ena qai ca vakalevu cake na veivakacalai e muri mai na kena e liu.”
65Sa mani kaya vei ira o Pailato, “Dou kauta e dua na yadra, ka dou cakava ena nomudou i gu taucoko me sogoti ka taqomaki vinaka sara na i bulubulu.”
66Eratou sa qai lako ka sogota vakaukauwa na i bulubulu ena nodratou dregata na kena i sogo vatu, ka laivi koya na yadra me vakatawana.
Who We AreWhat We EelieveWhat We Do
2025 by iamachristian.org,Inc All rights reserved.
