1Kemuni na Turaga
Kevaka au veileti kei kemuni,
O ni sa dodonu ga.
Ia sa dodonu me'u tarogi kemuni mada ga
Baleta na lewa dodonu.
A cava era toso cake kina na tamata ca?
A cava era tiko vinaka kina na dauveivakaisini?
2O ni a tei ira,
Ka ra sa vakawakana;
Era tubu ka vua sara.
Era sa vosa vakavinakataki kemuni
Ena gusudra.
O ni sa yali ka yawa ena lomadra.
3Io Jiova, o ni sa kilai au,
O ni sa raici au,
Ka vakatovolea na lomaqu vei kemuni.
Ni yarataki ira oqo
Me vaka na sipi sa kau me vakamatei;
Tawasei ira tani
Me yacova na siga me ra vakamatei kina.
4Ena vakacava so na dede ni lauqa ni vanua,
Ka mamaca na co ni veibuca?
Era na mate na manumanu kei na manumanu vuka
Baleta na nodra ca
Na tamata era tiko kina,
Ka ra kaya ni o ni sega ni raica
Na nodra i valavala.
5Sa kaya ko Jiova,
“Jeremaia, kevaka o sa cegu oca
Ni o veitau cici vata kei na tamata;
Ena qai rawa vakacava
Mo veitau cici vata kei ira na ose?
Ia kevaka o sa bale
Ena dua na vanua galala,
O na qai bula vakacava
Ena veikau osooso mai na Joritani?
6O ira sara mada ga na tacimu
Kei na lewe ni nomu vuvale
Era sa cakitaki iko,
Era sa wili talega
Me ra saqati iko
Kakua sara ni vakadinati ira,
Veitalia ga
Kevaka era vosa vakavinaka vei iko.”
Na Rarawa i Jiova baleta na Nona Tamata7Sa kaya ko Jiova,
“Au na vakanadakui ira na noqu tamata,
Au na biuta laivi na noqu matanitu digitaki.
Ka'u na soli ira na tamata au sa lomani ira
Ki na ligadra na kedra meca.
8Era sa saqati au na noqu tamata
Me vaka e dua na laione
Ena loma ni veikau;
Era sa tagi vakacudrucudruya mai vei au,
Ia au sa cati ira.
9O ira na noqu tamata digitaki
Sa vaka na manumanu
Sa voliti ira eso na manulevu
Me veivala kaya.
Kacivi ira mai na manumanu kila
Me ra mai kana talega!
10Sa vuqa na i liuliu ni veivanua tani
Era sa vakacacana na noqu loganivaini;
Era sa buturaka sobu na noqu vanua;
Ka ra sa vukica na noqu vanua vinaka
Me vanua lala.
11Era sa cakava na vanua me tawa yaga;
Sa davo vakaloloma koto e mataqu.
Sa yaco na vanua taucoko me vanua dravuisiga,
Ka sega ni dua me kauwaitaka.
12Era sa lako mai na dauveivakarusai
Mai na veidelana dravuisiga kece.
Au sa tala na i valu
Me vakarusa na vanua taucoko
Ka na sega sara e dua na tamata
Me bula vakacegu tikoga.
13Era na tea na witi na noqu tamata,
Ia era sa tamusuka na wa vakavotona;
Era cakacaka vakaukauwa,
Ia era sega ni rawata kina e dua na ka.
Baleta na noqu cudru rerevaki
Sa sega ni vua kina na veika era tea.”
Na Yalayala i Jiova baleti Ira ka Bula Veitikivi kei Isireli14A sa kaya ko Jiova, me baleti ira na tamata sa bula veitikivi kei Isireli ka ra sa vakacacana na vanua au a solia vei ira na noqu tamata na Isireli. “Au na kauti ira tani na tamata oqo mai na dui nodra vanua me vaka na kau cavu vakadua, ka'u na vakabulai Juta mai vei ira.
15Ia ni'u sa kauti ira tani oti, au sa qai lomani ira, au na qai kauta lesu tale na veimatanitu yadua ki na dui nodra vanua kei na dui nodra veimatanitu.
16Ia kevaka era na ciqoma na nodra vakabauta na noqu tamata ena yalodra taucoko, ka bubului, ‘Me vaka sa bula ko Jiova’ me vaka na nodra a vakavulici ira na noqu tamata me ra bubului ki na yaca i Peali, era na qai wiliki vata kei ira na noqu tamata.
17Ia kevaka e dua na matanitu ena bese ni muria, au na cavuraka vakadua ka vakarusa. Oi au, ko Jiova, ka'u sa tukuna oqo.
Who We AreWhat We EelieveWhat We Do
2025 by iamachristian.org,Inc All rights reserved.
