1Ena vula i tubutubu e tarava ka sa donuya na gauna era dau lako kina ki na i valu o ira na tui, a sa liutaka o Joape na mataivalu ka curuma yani vakaukauwa na nodra vanua na Amonaiti; ia sa tiko voli ga mai Jerusalemi o Tevita. Era a buku druadrua ki na koro o Rapa ka valuta me yacova ni sa vakarusai vakadua. e rauta ni 34 na kilokaramu na kena bibi. A ciqi no kina e dua na vatu talei, ka sa mani taura na vatu talei oqo o Tevita ka vakaciqira ki na nona i sala vakatui. A sa taura talega o koya e dua na i tokinivalu levu mai na koro o ya.
3Sa qai kauti ira yani na lewe ni koro ka la'ki vakacakacakataki ira ena kena vakayagataki na i varo, na i kutari kaukamea kei na matau. A sa cakava vakaoqo talega o koya ki na nodra veikoro kece na Amonaiti. Sa qai lesu tale i Jerusalemi o Tevita kei ira na nona tamata.
Na Nodra Valuti na Tuwawa ni Filisitia(2Samu 21.15-22)4Ia e muri, a qai tubu na i valu kei ira na kai Filisitia mai Keseri. Oqori na gauna sa mokuta kina o Sipekai mai Usa e dua na tamata tuwawa na yacana o Sipai, era a vakadrukai kina na kai Filisitia.
5E a qai tubu tale e dua na i valu kei ira na kai Filisitia, ka ravuravu kina o Elanani na luve i Jairi tagane ena nona a vakamatei Lami na taci Koliaci na kai Kaca, o koya ka taukena na moto levu, ka sa vaka na nodra kau na dautalitali na dia ni moto oqo.
6A sa tubu tale e dua na i valu e Kaca, ena vanua ka tiko kina e dua tale na tamata tuwawa ka tau yaono na i qaqalo ni ligana ruarua, ka tau yaono na i qaqalo ni yavana ruarua. Na tamata oqo e basika talega mai na kawa ni tuwawa.
7A sa bolei ira na Isireli o koya, ka qai vakamatei koya o Jonacani na luve i Semea, na tuakai Tevita.
8O iratou oqo, ka ratou a vakamatei mai vei Tevita kei na nona tamata, era basika mai na kawa ni tuwawa mai Kaca.
Who We AreWhat We EelieveWhat We Do
2025 by iamachristian.org,Inc All rights reserved.
