2 TUI 8 - Ai Vola Tabu Ena Vakavakadewa Vou（FNV）

Vakalesui na Nona i Yau na Yalewa ni Sunemi

1A sa kaya oti o Ilaisa vua na yalewa ni Sunemi, ka luvena sa vakabula o koya mai na mate, ni sa na vakayacora na dausiga ni vanua ko Jiova me vitu na yabaki na kena dede, ka sa dodonu me ratou lako tani kina vakavuvale ki na dua tale na vanua me ratou la'ki bula kina.

A sauma o Ilaisa ka kaya, “Sa vakatakila vei au ko Jiova ni o na yaco mo tui Siria.”

14A sa lesu yani o Eseeli vei Penietati, ka sa tarogi koya, “A cava sa kaya vei iko o Ilaisa?

A sauma o Eseeli ka vaka, “Sa kaya vei au ni o na bula vakaidina.”

15Ia ena siga ka tarava, a sa taura o Eseeli na i tutuvi, ka tonia ena wai, ka ovica kina na mata ni tui me yacova ni sa mate.

A sa veisosomitaki vei Penietati o Eseeli me tui Siria.

O Jiorami na Tui Juta(2Vei 21.1-20)

16Ena i kalima ni yabaki i Jorami na luve i Eapi na tui Isireli, a veiliutaki o Jiorami na luve i Josefati na tui Juta.

17A yabaki tolusagavulu karua o koya ni a buli me tui, ka tui tiko mai Jerusalemi me yabaki walu.

18A muria o koya na nodra i valavala na tui Isireli, me vaka a cakava na mataqali i Eapi, ni a watina na luve i Eapi. A dau caka ca o koya ena mata i Jiova.

19Ia a sega ni via vakawabokotaki ira na Juta ko Jiova ena vuku i Tevita na nona tamata, me vaka ni a yalataka vua ni ra na veiliutaki vakatui tikoga na nona kawa.

20Ena gauna ni veiliutaki vakatui nei Jiorami, era a bese ni muri lewa ki Juta na kai Itomi, ka ra tauyavutaka na nodra matanitu vakataki ira.Vteki 27.40

21A sa lako yani o Jorami ki Sea vata kei na nona qiqinivalu kece, ka sa vakavolivoliti ira na mataivalu ni Itomi. Ia ni sa bogi na vanua, sa cavutu o koya kei ira na nona turaganivalu ni qiqinivalu me ra botea na i lati ka dro tani, ka ra sa veiseyaki na nona sotia ki na nodra veivale.

22Era a tu vakataki ira ga na kai Itomi ka sega ni qali ki Juta me yacova na siga oqo. O ira talega na kai Lipina era a vuki tani ena gauna vata o ya.

23Ia na vo ni cakacaka i Jorami kei na ka kecega sa cakava o koya sa volai ena Kedra i Volatukutuku na Tui Juta.

24A sa mate o Jorami ka la'ki bulu ena i bulubulu vakatui ena Koro i Tevita, ka sa sosomitaki koya me tui o Esaia na luvena.

O Esaia na Tui Juta(2Vei 22.1-6)

25Ena kena i katinikarua ni yabaki i Jorami na tui Isireli, na luve i Eapi, a sa yaco me tui Juta o Esaia na luve i Jiorami.

26A yabaki ruasagavulu karua o Esaia ena gauna a buli kina me tui, ka tui mai Jerusalemi ka yabaki dua. Ia na yaca i tinana o Acalaia na luve i Omirai na tui Isireli.

27A muria talega na i valavala ni mataqali i Eapi, o koya, ka dau caka ca ena mata i Jiova me vaka a cakava na mataqali i Eapi, ni a veivugoni o koya kei na vuvale i Eapi.

28E rau a lako kei Jorami na luve i Eapi ki na i valu i Eseeli na tui Siria mai Remoci-kiliati; na vanua ka ra vakamavoataki Jorami kina o ira na kai Siria.

29A lesu ki Jesireli o Jorami na tui, me la'ki vakabulabula ena vuku ni nona mavoa mai Rama, a sa lako yani o Esaia me mai sikovi koya e kea.