1A qai vosa o Ilivasi na kai Temani, ka kaya,
2Na nomu vosa, Jope, sa rui tawa yaga!
Sa sega sara ga na betena!
3E sega na tamata vuku e vaka tu oqori na nona i vosavosa,
Se me sasabai ena vosa e sega na kena i balebale.
4O iko o sa vakayalolailaitaki ira tiko na tamata me ra kakua
Ni rerevaka na Kalou;
Ka tarovi ira me ra kakua ni masu vua.
5Na i valavala ca ni lomamu
Sa i koya sara ga sa vosa tiko mai oqori;
O iko o tovolea wale tikoga me nomu i vunivuni na vosa qaseqase.
6E sega na betena vei au me'u beitaki iko mo ca;
Ni sa beitaki iko ga mo ca
Na vosa yadua sara ga o sa tauca tiko mai.
7O nanuma beka ni o iko na i matai ni tamata ka sucu mai?
O a tiko beka ena gauna ka bulia kina na Kalou na veiulunivanua?
8O a rogoca butako beka na i naki vuni sa cakava na Kalou?
E nomu duadua beka ga na vuku vakatamata?
9E sega ni dua na ka o kila me keitou lecava.
10Na neitou vuku keitou a vulica mai vei ira sa sikoa na uludra,
O ira na qase era a sucu e liu vei tamamu.
11Sa surevaka tiko vei iko na Kalou na vakacegu;
A cava na vuna o besetaka tiko kina?
Keitou vosa tiko oqo ena vukuna
Ena vosa malumu ka tau vakamalua.
12Ia o iko o sa qai tavaiyaya ka wadravi keitou
Ena mata cudrucudru.
13O sa cudruva na Kalou ka vosacataki koya.
14 voli na vulituri me ra kania na yagona.
Sa kila tu o koya ni nona gauna mai muri ena butobuto sara ga;
24Na veivakarusai levu, me vaka e rawa ni cakava e dua na tui,
Sa wawa tiko me ravuti koya.
25Oqori na ka ena nona i tinitini
Na tamata era buli i vacu vua na Kalou,
Ka bolea na veivala kei koya na Kaukauwa.
26Era sa rui viavialevu ka dauveivorati
Ena nodra i sasabai vavaku kaukauwa.
27Era sa cici yani vakusakusa
Me ra veivala kei na Kalou.
28O ira oqo era sa vakadruka na veikoro lelevu
Ka kovea na veivale era sa dro oti na kena i taukei,
Ia na i valu ga ena vakarusa na veikoro lelevu kei na veivale oqori.
29Ena sega ni dede na nodra vutuniyau na tamata oqori;
Ka sega na ka era taukena ena tudei.
Na kedra i yaloyalo sara talega ena yali yani,
30Ka ra na sega ni dro tani rawa mai na butobuto.
Era na tautauvata kei na vunikau
Sa kama na veitabana ena bukawaqa,
Ka ra cagina tani na sena ni liwava na cagi.
31Kevaka era sa yalowai me ra vakararavi ki na ka tawayaga,
A ka tawayaga era na taura e muri me i cocovi.
32Ni bera ni oti na nodra gauna, era na malai mai,
Ena malai me vaka na taba ni kau
Ka na sega ni drokadroka rawa tale.
33Era na vaka na vunivaini sa kureitaka tani na qerepi vou;
Ka vaka na vuniolive sa mimira na sena.
34Era na sega ni vakawa na tamata lecava na Kalou,
Ka vakamai na vale era sa tara mai na i lavo duka.
35Oqo o ira sa dau nakita na veivakaleqai ka daucaka ca;
Sa sinai tu na lomadra ena veivakaisini.
Who We AreWhat We EelieveWhat We Do
2025 by iamachristian.org,Inc All rights reserved.
