OSEA 12 - Ai Vola Tabu Ena Vakavakadewa Vou（FNV）

1Sa tawayaga ka ca wale ga na veika kecega era sa vakayacora na Isireli mai na mataka ki na yakavi. Sa levu ga ena kedra maliwa na veivakaisini kei na i tovo vakarerevaki eso. Era sa ia ga na veiyalayalati kei Asiria ka qaravi bisinisi vata kei Ijipita.”

2E dua na ka sa beitaki Juta kina ko Jiova; ena cudruvi Isireli talega ena vuku ni nodra i valavala na lewenivanua. Ena sauma lesu vei ira na veika era sa cakava.

3Vteki 25.26 Vteki 32.24-26Na nodra qase o Jekope sa veimulomulo kei na tuakana o Iso ni rau se tikoga ena ketei tinadrau; ena gauna sa qase cake kina o Jekope, a sa veimulomulo kei na Kalou,

4Vteki 28.10-22ni rau a veimulomulo kei na agilosi ka mani qaqa kina. A sa tagi ka kerea na veivakalougatataki. A sa qai lako mai na Kalou vua na noda qase o Jekope ka sa vosa vua mai Peceli.

5Oqo ga ko Jiova na Kalou ni lewevuqa — sai Jiova ga na yaca me na dau qaravi kina.

6O koya oqo, oi kemuni na kawa i Jekope, mo ni lesu mai kina vua na nomuni Kalou ka dinati koya. Ni yalodina ka dau cakacaka vakadodonu, ka vosota voli ga ni o ni waraka na nomuni Kalou me cakacaka.

Na Veivosa Tale Eso ni Veilewai

7A sa kaya ko Jiova, “O ira na Isireli era sa sega ga ni tamata daucakacaka vakadodonu me vakataki ira ga na kai Kenani; era sa taleitaka ga me ra lawakitaki ira na dauveivoli ni ra sa dau vakayagataka na i vakarau ni bibi sa sega ni dodonu, ka ra sa dauguta me ra ia na veivakasaurarataki.

8Era sa kaya, “Keimami sa vutuniyau. Sa ka levu sara na neimami i yau talei. Ena sega talega ni dua me na beitaki keimami ena kena rawati vakatawadodonu na neimami i yau.’

9Vsoro 23.42,43Ia oi au, ko Jiova na nomuni Kalou ka sa liutaki kemuni tani mai na vanua o Ijipita, au na vakayacora mo ni vakaitikotiko tale ena veivalelaca, me vaka na gauna ka'u a lako yani kina vei kemuni ena vanua dravuisiga.

10“Au a vosa vei ira na parofita ka solia vei ira e vuqa na raivotu, ka'u a soli i vakasala ka vunauci ira na tamata mai na gusudra na parofita.

11Ia sa qaravi ga na kalou matakau eso mai Kiliati, ka ra na mate vakaidina o ira sa sokalou vei ira. Era sa vakacabori na bulumakau tagane mai Kilikali, ka ra na talaraki sobu na i cabocabonisoro mai kea me ra i binibini vatu ena veivanua lala.

12 Vteki 29.1-20 A sa kilikili ga vua na noda qase o Jekope me dro ki Mesopotemia, na vanua ka sa cakacaka vakai vakatawanisipi voli kina o koya vua e dua tale na tamata me rawata kina na watina.

13Lako 12.50,51Ia ko Jiova ga ka sa tala e dua na parofita me vueti ira na Isireli mai na nodra a vakabobulataki voli e Ijipita, ka me maroroi ira vinaka.

14Era sa vakavuna na Isireli me tubu na cudru i Jiova; io, sa veiganiti ga kei ira me ra vakamatei ena vuku ni nodra cala. Na nodra Turaga ga ena qai totogitaki ira ena vuku ni veivakalolovirataki era sa kauta mai ki vua.