1A qai sauma o Jope, ka kaya,
2Sa soli vakaevei na veivuke vua sa sega na nona kaukauwa!
Sa vukei vakaevei na liga i koya sa malumalumu!
3Sa vakasalataki vakaevei o koya sa sega ni kila-ka,
Ka solia vua na i vakasala vinaka!
4O cei li dou nanuma ni na via rogoca na nomudou vosa?
O cei e uqeti kemudou mo dou vosa vakaoqo?
5Sa sautaninini na yalo ni mate
Ena ruku ni wai kei vuravura.
6Sa tadola tu vua na Kalou na nodra vuravura na mate;
Ka segai na i ubi me vakalatia na nona raica yani.
7Na Kalou sa tevuka yani na lomalagi mai na vualiku ki na vanua lala,
Ka segai na ka sa vakarubeca tu kina na vuravura.
8Sa vakasinaita tu na veio na Kalou ena wai,
Ka sa tarova tu na bibi ni wai me kakua ni vakacabotetaki ira na veio.
9Sa tabonaka na vula taucoko na Kalou ena daku ni dua na o.
10Sa wasea na rarama kei na butobuto
Mai na dua na laini mokimokiti sa vola e dela ni wasawasa.
11Ni sa vakarerei ira na duru era tabea cake tu na macawa na Kalou,
Era sa qai sautaninini ena nodra rere.
12A sa vakadruka na wasawasa ena nona kaukauwa;
Ia na nona liga maqosa, sa vakarusa kina na tevoro ni wasawasa o Reavi.
13A sa vakasavasavataka na macawa na nona i cegu,
Ka vakamatea na gata e dro voli na ligana.
14Ia, na veika oqo era dusia vakatikina ga na nona kaukauwa;
Oqo na vakasolokakana wale sara eda rogoca rawa.
O cei e kila rawa na levu vakaidina ni kaukauwa ni Kalou?
Who We AreWhat We EelieveWhat We Do
2025 by iamachristian.org,Inc All rights reserved.
