MACIU 20 - Ai Vola Tabu Ena Vakavakadewa Vou（FNV）

O Ira ka La'ki Cakacaka ena Loganivaini

1“Ni sa tautauvata na matanitu vakalomalagi kei na i taukei ni vale ka sa sou vakamataka yani me la'ki kauti ira mai eso na tamata me ra mai cakacaka saumi ena nona loganivaini.

2Ni sa lomavata kei ira na tamata cakacaka me ra tauyadua na i lavo siliva ena dua na siga me kedra i sau, sa qai talai ira yani ki na loganivaini.

3Sa qai lako yani ena ciwa na kaloko ki na makete ka raici ira eso ni ra tu walega kina.

4Sa qai kaya vei ira, ‘Dou lako talega ki na loganivaini, ka'u na saumi kemudou ena i sau sa veirauti.’ Era sa mani lako yani.

5Sa lako tale yani o koya ena tinikarua kei na tolu na kaloko, ka cakava vakakina.

6Ni sa rauta na lima ena yakavi, sa lako yani ki na makete ka raici ira eso tale era tu walega, sa qai tarogi ira, ‘A cava dou sa vakaoti gauna voli ga kina eke ka sega ni cakava e dua na ka?’

7Era sa qai kaya vua, ‘Ni sega e dua e soli cakacaka vei keimami.’ Sa qai kaya vei ira o koya, ‘Dou lako talega ki na loganivaini ka cakacaka kina.’

Na Nodra Saumi na Tamata Cakacaka

8“Ia ni sa yakavi mai, sa qai kaya na i taukei ni loganivaini vua na nona tamata, ‘Kacivi ira mai na tamata cakacaka, ka saumi ira, tekivu yani vei ira na muri ka qai vakaoti vei ira sa liu.’Na i Katolu ni Nona Tukuna na Ka e Baleta na Nona Mate ko Jisu(Mari 10.32-34; Luke 18.31-34)

17Ni sa lako cake ki Jerusalemi ko Jisu, sa qai kauti iratou vakatikitiki na tisaipeli mai gaunisala, ka kaya vei iratou,

18“Raica, tou sa lako cake tiko ki Jerusalemi; ka na soli yani na Luve ni Tamata vei ira na bete levu, kei ira na daunilawa, ka ra na lewai koya me mate,

19ka soli koya vei ira na kai matanitu tani, me ra vakalialiai koya, ka vakanakuitataka, ka vakota ki na kauveilatai, ka na qai vakaturi cake tale mai na mate o koya ena i katolu ni siga.”

Na Nona Kerekere e Dua na Tina(Mari 10.35-45)

20Sa qai lako mai vua na tinadrau na luve i Sepeti, kei rau na luvena tagane, ka mai cuva e matana, ka kerea vua e dua na ka.

21Sa kaya vua na yalewa ko Jisu, “Na cava o vinakata?”

Sa qai kaya vua, “Mo ni yalataka mada vei au me rau na tiko na luvequ oqo, e dua ena ligamuni i matau, ka dua ena ligamuni i mawi ena nomu matanitu.”

22Sa sauma ko Jisu vei rau na veitacini, ka kaya, “Drau sa sega ni kila na ka drau sa kerea tiko: drau sa rawata li mo drau gunuva na bilo ka'u sa vakarau gunuva oqo?”

E rau sa kaya vua, “Keirau rawata.”

23Sa qai kaya vei rau, “Drau na gunu vakaidina ena mequ bilo, ia mo drau tiko ena ligaqu i matau se ligaqu i mawi, e sega ni tu vei au na dodonu me'u digitaka. Na veitikina oqo sa baleti ira ga sa vakarautaka tu ko Tamaqu me nodra.”

24Ni ratou sa rogoca na vo ni tisaipeli e tini na ka oqo, e ratou sa cudruvi rau sara kina na veitacini.

25Sa qai kacivi iratou kece vata mai ko Jisu, ka kaya, “Dou sa kila ni ra dau vakacolasau vei ira na kai veimatanitu tani o ira na nodra i liuliu, ka ra dau vakataulewa vei ira ena lewa kaukauwa o ira na nodra turaga dokai.Luke 22.25,26

26Ia, oqo, ena sega ni vakakina vei kemudou. Kevaka e dua vei kemudou sa vinakata me levu cake, ia me na dauveiqaravi o koya vei iratou na kena vo;Maciu 23.11; Mari 9.35; Luke 22.26

27kei koya vei kemudou sa vinakata me na liu duadua e dodonu me nomudou dauveiqaravi,

28ka me vaka na Luve ni Tamata, ni sa sega talega ni lako mai me qaravi, ia me veiqaravi ga, ka solia na nona bula me kedra i voli vakadua na lewe vuqa.”

Vakabulai Rau e Lewe Rua na Mataboko ko Jisu(Mari 10.46-52; Luke 18.35-43)

29Ni ratou sa biuti Jeriko, era sa muri koya mai e dua na i lala levu.

30Ka raica, e rau sa dabe toka e yasa ni gaunisala e lewe rua na tamata mataboko, ni rau sa rogoca ni sa lako voli yani ko Jisu, e rau sa qai kacikaci mai, ka kaya, “Kemuni na Turaga, na Luve i Tevita, ni lomani keirau mai.”

31Era sa vosataki rau o ira na lewe vuqa me rau tiko lo. Ia e rau sa qai kailavaka yani ena domo e levu cake sara, “Turaga! Na Luve i Tevita! Ni lomani keirau saka mai!”

32Sa qai tu vakadua ko Jisu, ka kacivi rau, ka kaya, “Na cava drau vinakata me'u cakava vei kemudrau?”

33E rau sa qai kaya vua, “Turaga, me rai rawa na mata i keirau.”

34Ena loloma levu sa qai tara na matadrau, ka rau sa rai rawa sara ka muri koya.