AISEA 7 - Ai Vola Tabu Ena Vakavakadewa Vou（FNV）

Ai Tukutuku vei Easi na Tui

1 mo drau lako ka la'ki tavaki Easi na tui. O na raici koya ena gaunisala era cakacaka tiko kina na daucaka i sulu ena mua ni keli e drodro mai kina na wai ena tobu mai cake.

4Tukuna vua me vakarau tu, ia me tiko vakamalua ka me kakua ni rere se taqaya. Na cudru i Risini na tui, kei ira na kai Siria kei Peka na tui sa sega ni vakarerevaki cake mai na kubou e kuvu mai ena rua na ka e kubou wale tu ga ka sega ni caudre.

5Era sa bukiveretaki iko o Siria, Isireli kei ira na kena tui.

6Era sa nakita me ra valuti Juta ena nodra vakarerei ira na lewena ka lesia na luve i Tapeli me nodra tui.

7Ia sa kaya vaka oqo ko Jiova:

“Ena sega ni vakayacori oqo,

Ena sega sara ni yaco.

8Na vuna ni sega ni qaqa cake o Siria vei Tamasiko,

Ka sega ni qaqa cake o Tamasiko vei Risini na tui.

Ena loma ni onosagavulu kalima na yabaki,

Ena kakavorovoro vakamatailalai o Isireli,

Ka na sega tale ni yaco rawa me dua na matanitu.

9Sa sega ni qaqa cake o Isireli mai na koro levu o Samaria,

Ka sega ni qaqa cake o Samaria mai vei Peka na tui.

“Ia kevaka e malumalumu na nomuni vakabauta o ni na sega ni tudei.”

Na i Vakatakilakila i Imanueli

10A sa vosa tale ko Jiova vei Easi ka kaya,

11“Kerea mada vei Jiova na nomu Kalou e dua na i vakatakilakila. Kerea me yaco sara mai bulu e ra, se me yaco sara mai lomalagi e cake.”

12A qai kaya o Easi, “Au na sega ni kerea e dua na i vakatakilakila. Au na sega ni via vakatovolei Jiova.”

13A qai sauma yani o Aisea ka kaya, “Ni rogoca mada na kawa i Tevita. Sa ka lailai wale na vakaocai ira na tamata, ia o ni sa via vakaoca talega na Kalou?

14

15Ena gauna sa yalomatua kina me vakatulewa ga vakaikoya, era na gunu sucu tiko ka kana oni na tamata.

16Ia ni bera o ya, sa na vakalalai na nodrau vanua na tui e rau a vakarerei kemuni.

17Ena kauta mai ko Jiova vei kemuni, kivei ira na nomuni tamata kei na vuvale kece vakatui na veisiga ca ka sega ni se bau yaco vakadua ena matanitu o Isireli me tekivu mai na gauna e tawase kina o Isireli mai Juta; io, ena kauti tui Asiria mai o koya.

18Ena siga o ya ena qai kaluvi ira na kai Ijipita me ra lako mai me vaka na lago mai na veibasoga lalai ni uciwai na Naile kei ira na kai Asiria me ra lako mai na nodra vanua me vaka na vi.

19Era na lako mai ka robota na qakilo veivatu, kei na veiqara vatu ka ra ubia na veikau vakavotona kei na vanua veico kecega.

20Ena siga o ya, ena sauma ko Jiova e dua na dauveikoti mai na tai kadua ni Uferetisi, oqori o tui Asiria, ka na qai toroya laivi na kumimuni, na drau ni ulumuni kei na vuti ni yagomuni.

21Ena gauna o ya, kevaka sara mada ga e dua na dauteitei sa vakabula rawa ga e dua na nona bulumakau gone kei na rua na nona me,

22e ratou na solia vua na levu ga ni sucu e vinakata. Ena tiko na sucu kei na oni me ra kania o ira kece era na vo tu mai ena nodra vanua.

23Ena gauna o ya, na veiloganivaini vinaka e dau rawa kina e udolu na vaini ka rauta ni udolu na tiki ni siliva na kena i sau, ena tubu siviti ira na veiwa vakavotona kei na soni.

24Era na laki vakasasa kina na tamata ena nodra dakaititi kei na kena gasau. Io, sa na robota na vanua taucoko na kau vakavotona kei na soni.

25Na veidelana kece e dau tei tu kina na kakana ena robota na kau vakavotona ka na sega ni dua me na lako kina. Ena yaco me vanua ni vakana bulumakau kei na sipi.”