SAME 124 - Ai Vola Tabu Ena Vakavakadewa Vou（FNV）

Na Kalou e dau Maroroi Ira na Nona TamataA Sere ni cabecabe. A nei Tevita.

1A cava beka ena yaco kevaka sa sega ni totaki keda ko Jiova?

Mo sauma mada, Isireli,

2“Kevaka sa sega ni totaki keda ko Jiova,

Ena nodra a vakacibi i valu mai na keda meca,

3Ke ra a tilomi keda bulabula,

Ena nodra cudru waqawaqa baleti keda;

4Ke a qai kuitaki keda yani na waluvu,

Ka luvuci keda na wai,

5Ke a dromuci keda na kui kaukauwa ni wai.”

6Ia, me da vakavinavinaka ga vei Jiova,

Ni sa sega ni laivi ira na meca me ra vakarusai keda.

7Eda a dro me vaka na manumanu vuka mai na nona dai na dauvakasasa;

Sa kabasu na dai, eda sa galala!

8Sa taka mai vua na Kalou na veivuke me baleti keda,

Mai vua sa bulia na lomalagi kei na vuravura.