SAME 8 - Ai Vola Tabu Ena Vakavakadewa Vou（FNV）

Na Lagilagi ni KalouVua na i liuliu ni sere: me baleta Na Kitica. A Same i Tevita.

1Kemuni Jiova na neimami Turaga,

Sa laurai na nomuni lagilagi ena vuravura taucoko!

Sa yaco ki lomalagi na nomuni vakacaucautaki.

2Era sa lagata na gone kei na gone dramidrami.

O ni sa viria e dua na bai me lati ira na kemuni meca,

Me tarovi ira na kemuni meca kei ira era dau cati kemuni.

3Ni'u vakaraica na maliwa lala na ka e cakava na ligamuni;

Na vula, na veikalokalo o ni a bulia,

Ka lesia na vanua me ra tu kina;

4

Ka vakaisalataki koya ena lagilagi kei na dokai.

6O ni sa buli koya me lewa na veika kece o ni a bulia

Ka lesi koya me cecere mai na veika kecega;

7Na sipi kei na bulumakau,

Ka vakakina na veimanumanu kila,

8Na veimataqali manumanu vuka kei na ika,

Ka vakakina na veika kecega ni wasawasa.

9Kemuni Jiova na neimami Turaga

Sa laurai na nomuni lagilagi e vuravura taucoko.