1 VEIGAUNA 25 - Ai Vola Tabu Ena Vakavakadewa Vou（FNV）

Matasere kei na Daunivakatagi ni Vale ni Kalou

1A digitaka o Tevita kei ira na nodra turaga na Livai na veimataqali ka ra cavuti oqo me ra liutaka na veiqaravi vua na Kalou: o Esava, kei Imani, vata kei Jitucuni. A nodra i tavi me ra vunautaka na i tukutuku ni Kalou, ka me salavata oqo kei na domo ni vakatagi mai na api kei na sibali. Oqo na yacadra era sa digitaki me ra liutaka na sokalou kei na i tavi duidui eso me ra qarava:

2O iratou na luve i Esava tagane e lewe va: o Sakuri, kei Josefa, kei Necanaia, vata kei Asarela. A nodratou i liuliu o Esava, o koya sa vunautaka na nona i tukutuku na Kalou ena gauna sa lewa mai kina na tui.

3O iratou na luve i Jitucuni tagane lewe ono: o Kitalaia, kei Siri, kei Jesaia, kei Semeai, kei Esapaia, vata kei Maticaia. Ena ruku ni veiliutaki nei tamadratou, e ratou sa vunautaka na i tukutuku ni Kalou, ka salamuria oqo na domo ni vakatagi mai na api, ka lagati talega na sere ni veivakacaucautaki kei na vakavinavinaka vei Jiova.

4O ira na luve i Imani tagane era lewe tinikava: o Pukaia, kei Matania, kei Usieli, kei Sipueli, kei Jirimoci, kei Enanaia, kei Anani, kei Iliaci, kei Kitaliti, kei Romamiti Esa, kei Josipikasa, kei Maloci, kei Ociri, vata kei Mesioci.

5A sa solia na Kalou vei Imani na parofita ni tui na lewe tinikava na luvena tagane oqo ka vakakina e lewe tolu na luvena yalewa, me vaka sa yalataka oti vua, me rawa ni solia na kaukauwa vei Imani.

6O ira kece na luvena tagane era dau qiria na sibali kei na api ena veiliutaki nei tamadratou, ka me salamuria na i vakatagi oqo na kena qaravi tiko na sokalou vei Jiova ena vale tabu. A ratou sa vakarorogo ki na veiliutaki ni tui o Esava, kei Jitucuni, vata kei Imani.

7O iratou kece na lewe 24 na tagane oqo era sa daunisere ka daunivakatagi talega; era vakakina o ira na wekadra na Livai sa vakatavulici ena qaravi ni sere vei Jiova ka ra lewe 288 taucoko.

8Era a vakawiri madigi me kilai kina na dui cakacaka cava me ra qarava, se ra qase se gone, se ra kena dau se ra qai tekivu vuli tiko.

9O ira kece na lewe 288 na tagane oqo era sa wasei vakavuvale, ka 24 taucoko na levu ni wasewase, ka ra lewe tinikarua na veiwasewase yadua.

Oqo na yacadra era liutaka na i veiwasewase yadua ena qaravi ni cakacaka me vaka na kena gauna lokuci.

Ai matai ni madigi e dusi Josefa, mai na mataqali i Esava, ka i karua ni madigi e dusi Katalaia;

10na kena i katolu o Sakuri, kei iratou na luvena tagane kei na wekana, era lewe 12 taucoko;

11na kena i kava o Isiri, kei iratou na luvena tagane kei na wekana, era lewe 12 taucoko;

12na kena i kalima o Necanaia, kei iratou na luvena tagane kei na wekana, era lewe 12 taucoko;

13na kena i kaono o Pukaia, kei iratou na luvena tagane kei na wekana, era lewe 12 taucoko;

14na kena i kavitu o Jisarela, kei iratou na luvena tagane kei na wekana, era lewe 12 taucoko;

15na kena i kawalu o Jesaia, kei iratou na luvena tagane kei na wekana, era lewe 12 taucoko;

16na kena i kaciwa o Matanaia, kei iratou na luvena tagane kei na wekana, era lewe 12 taucoko;

17na kena i katini o Semeai, kei iratou na luvena tagane kei na wekana, era lewe 12 taucoko;

18na kena i ka 11 o Esareli, kei iratou na luvena tagane kei na wekana, era lewe 12 taucoko;

19na kena i ka 12 o Esapaia, kei iratou na luvena tagane kei na wekana, era lewe 12 taucoko;

20na kena i ka 13 o Supaeli, kei iratou na luvena tagane kei na wekana, era lewe 12 taucoko;

21na kena i ka 14 o Maticaia, kei iratou na luvena tagane kei na wekana, era lewe 12 taucoko;

22na kena i ka 15 o Jirimoci, kei iratou na luvena tagane kei na wekana, era lewe 12 taucoko;

23na kena i ka 16 o Ananaia, kei iratou na luvena tagane kei na wekana, era lewe 12 taucoko;

24na kena i ka 17 o Josipikasa, kei iratou na luvena tagane kei na wekana, era lewe 12 taucoko;

25na kena i ka 18 o Anani, kei iratou na luvena tagane kei na wekana, era lewe 12 taucoko;

26na kena i ka 19 o Maloci, kei iratou na luvena tagane kei na wekana, era lewe 12 taucoko;

27na kena i ka 20 o Iliaci, kei iratou na luvena tagane kei na wekana, era lewe 12 taucoko;

28na kena i ka 21 o Ociri, kei iratou na luvena tagane kei na wekana, era lewe 12 taucoko;

29na kena i ka 22 o Kataliti, kei iratou na luvena tagane kei na wekana, era lewe 12 taucoko;

30na kena i ka 23 o Mesioci, kei iratou na luvena tagane kei na wekana, era lewe 12 taucoko;

31kei na kena i ka 24 o Romamiti Esa, kei iratou na luvena tagane kei na wekana, era lewe 12 taucoko.